كەلىسسوزدەر بارىسىندا تاراپتار ەكىجاقتى كوپجوسپارلى ىنتىماقتاستىقتى دامىتۋ بويىنشا ماسەلەلەردىڭ كەڭ اۋقىمىن قاراستىردى.
كانادا قازاقستانداعى ەڭ ءىرى 15 شەتەلدىك ينۆەستورلاردىڭ قاتارىنا كىرەدى. 2005 جىلدان بەرى كانادادان قازاقستانعا كەلگەن تىكەلەي شەتەلدىك ينۆەستيتسيالاردىڭ جالپى كولەمى 5,5 ملرد اقش دوللارىن قۇرادى. ەكىجاقتى ساۋدانىڭ ءوسۋ قارقىنى بايقالادى. قازاقستان مەن كانادا اراسىنداعى تاۋار اينالىمى 2022 جىلى 836,6 ملن اقش دوللارىن قۇراپ, بۇعان دەيىنگى جىلمەن سالىستىرعاندا 68,8 پايىزعا ارتىق بولدى.
ينۆەستيتسيالىق جانە ساۋدا-ەكونوميكالىق ىنتىماقتاستىقتىڭ ەلەۋلى الەۋەتىن اشۋدا سۇحباتتاستار ەكى ەلدىڭ بيزنەس وكىلدەرى ءۇشىن قولايلى جاعدايدى ودان ءارى جەتىلدىرۋدىڭ ماڭىزدىلىعىن اتاپ ءوتتى. سونداي-اق مادەني-ءبىلىم بەرۋ سالاسىنداعى جاڭا مۇمكىندىكتەر قاراستىرىلدى.
