– بۇل ءوڭىم ەمەس, ءتۇسىم سياقتى. ءالى دە سەنەر-سەنبەسىمدى بىلمەيمىن. شىنىمدى ايتسام, سوزبەن ايتىپ جەتكىزە المايمىن. اۋەلى اللا, سوسىن مىنا ءبىزدى قولداعان حالقىما كوپتەن-كوپ راحمەت. رىسبالا جانە ونىڭ وقىرماندارىنا, قازاق ەلىنىڭ جاناشىر جاندارىنا العىسىم شەكسىز. باسىمدى ءيىپ العىس ايتامىن, – دەدى پ.مومىنقۇلوۆا.
ال ساۋاپتى ءىس جاساپ جۇرگەن ر.يكرامباي 2020 جىلى تۇرمىس تاۋقىمەتىن كەشكەن ءبىر جاندى حالىقتىڭ كومەگىمەن باسپانالى ەتكەن ەدى. سودان بەرى تۇرمىسى تومەن, قيىن تاعدىردى باستان كەشىپ, شيەتتەي بالا-شاعاسىمەن پاتەر جاعالاعان تالاي وتباسىن قۋانىشقا بولەپ, حالىقتىڭ اق باتاسىن الىپ كەلەدى. ارينە, مۇنىڭ ءبارى – حالىقتىڭ كومەگىمەن جاسالىپ جاتقان يگى ءىس.
قازىر وزدەرىن «ىرىستى ارمياسى» دەپ اتايتىن رىسبالا جانە ونىڭ وقىرماندارى جارىنان ايىرىلعان انالار مەن اكەلەرگە ءۇي الىپ بەرەتىن بولعان. سونىڭ ناتيجەسىندە قوعامدا قايىرىمدى جاندار كوبەيىپ جاتىر. وسى ۋاقىتقا دەيىن الماتى قالاسى جانە وبلىسىنان 33 ءۇي, شىمكەنت قالاسىنان 4 ءۇي, تۇركىستان وبلىسىنان 7 ءۇي, تۇركىستان قالاسىنان 2 ءۇي, تارازدان 4 ءۇي ساتىپ اپەرۋگە جاردەمدەستى. سونىمەن قاتار ەرەكشە بالالاردىڭ دا ەمىنە قاراجات جيناۋعا قول ۇشىن سوزىپ, كوپبالالى از قامتىلعان وتباسىلارعا ازىق-ت ۇلىك ۇلەستىرىپ, كومەكتەسىپ جاتىر. وسى ساليقالى امالى ءۇشىن دە ول اقپارات جانە قوعامدىق دامۋ مينيسترلىگى ۇيىمداستىرعان «جىل ۆولونتەرى-2022» حالىقارالىق سىيلىعىنىڭ «بەلسەندى ۆولونتەرلىك قىزمەتى» ءۇشىن اتالىمىن جەڭىپ الدى.
– «جالعىزدىڭ ءۇنى شىقپاس, جاياۋدىڭ شاڭى شىقپاس» دەگەندەي, جالعىز ءوزىمنىڭ قولىمنان ەشتەڭە كەلمەيدى. بۇل – قالىڭ قازاقتىڭ ءبىر-بىرىنە دەگەن جاناشىرلىعى مەن كومەگىنىڭ ارقاسى. حالقىمنىڭ قوناقجايلىلىعى, باۋىرمالدىعى سونداي, ۇيمەن بىرگە كەرەكتى تۇرمىستىق زاتتار مەن جيھازدارىنا دەيىن اپەرۋگە دايىن تۇرادى. سول ءۇشىن قايىرىمدىلىق دەسە قولدان كەلگەنشە كومەك بەرۋگە تىرىساتىن اعايىنعا شىن ريزامىن, – دەدى ر.يكرامباي.
سونداي-اق ول يگى باستاماعا قولداۋ بىلدىرۋشىلەردىڭ كوپ بولۋىنا الەۋمەتتىك جەلىنىڭ وڭ اسەرى ءتيىپ جاتقانىن ايتتى. الەۋمەتتىك جەلى بۇگىندە تەك بايلانىس قۇرالى عانا ەمەس, سونىمەن بىرگە مۇقتاج جاندار مەن حالىق اراسىنداعى «التىن كوپىر» ءرولىن اتقارىپ وتىر. سونىمەن بىرگە الەۋمەتتىك جەلىنىڭ كومەگىمەن ادامدار حالىقتىڭ جاردەمىنە شىنىمەن ءزارۋ جانداردى بىلۋگە, ولارمەن بايلانىسۋعا مۇمكىندىك الدى.
ايتا كەتۋ كەرەك, الەۋمەتتىك جەلى بەلسەندىسى باستاعان «ىرىستى ارمياسى» 30 قاڭتار كۇنى ورداباسى اۋدانى تەمىرلان ەلدى مەكەنىنىڭ تۇرعىنى, ءتورت بالالى جالعىزىلىكتى اكە عابيت قۇرمانبەكوۆكە 49-باسپانانى ساتىپ اپەرسە, 50-ءۇيدىڭ كىلتى, جوعارىدا ايتقانىمىزداي, كوپبالالى انا پەريزات مومىنقۇلوۆاعا بۇيىردى.
شىمكەنت
