نەگىزى باعدارلاما ارقىلى ەرلى-زايىپتىلار ەلدىڭ كەز كەلگەن ەمحاناسىنا جۇگىنە الادى. ال قاراعاندىدا بۇل پروتسەدۋرانى «اقجان» كلينيكاسى ىسكە اسىرادى. كلينيكا ءۇشىنشى جىل «اڭساعان ءسابي» باعدارلاماسىنا قاتىسىپ كەلەدى. وسى كلينيكاعا بىلتىر ەكستراكورپورالدى ۇرىقتاندىرۋ پروتسەدۋراسىنا 101 كۆوتا بولىنسە, بيىل ول ەكى ەسە ارتقان, ياعني 214 كۆوتا.
– باعدارلاما ۋاقتىلى اياقتالدى. اياعى اۋىر 40 ايەل ەسەپكە الىندى. ونىڭ ىشىندە جەتى وتباسى 8 ءسابي ءسۇيدى. بۇل باعدارلامانىڭ تۇپكى ناتيجەسىن وسى جىلدىڭ سوڭىندا كورەمىز, – دەيدى «اقجان» كلينيكاسىنىڭ ەكۇ ءبولىمىنىڭ مەڭگەرۋشىسى ەۆگەنيا لاپينا.
ءسابي ءسۇيۋدى ۇزاق جىل اڭساعان, قانشا ەمدەلسە دە داۋا تاپپاعان وتباسىلار وسى باعدارلاما ارقىلى پەرزەنت كورگەنى راس. كلينيكا ەمدەلۋشىلەرىنىڭ قاتارىنداعى ءبىر جۇپ جەتى جىل بويى بالا كوتەرە الماپتى. دارىگەردىڭ ايتۋىنشا, قانشا ەمدەلسە دە ناتيجە بەرمەگەن. بەس جىل ەم-دوم قونباعان. قازىر ەندى ەگىز بالانى كۇتىپ وتىر ەكەن.
«اقجان» كلينيكاسىنا تەك قاراعاندى عانا ەمەس, ەلىمىزدىڭ باسقا دا ايماقتارىنان كەلىپ ەم الۋعا رۇقسات. نەگىزى, كلينيكا بەدەۋلىكتىڭ بارلىق ءتۇرىن ەمدەيدى.
ال ەكۇ-عا بيىل مەديتسينالىق ساقتاندىرۋ قورى 373,8 ملن تەڭگە قاراستىرعان ەكەن. ەكستراكورپورالدى ۇرىقتاندىرۋ پروتسەدۋراسىنىڭ قۇنى ورتا ەسەپپەن 1,06 تەڭگەدەن 1,227 ملن تەڭگەگە دەيىنگى ارالىقتا ەكەن.
قاراعاندى وبلىسى
