Blockchain تەحنولوگياسى ارقىلى بارلىق قولدانۋشىنىڭ جەكە اقپاراتىنىڭ قاۋىپسىزدىگى قامتاماسىز ەتىلەدى. اتالعان جوبانىڭ ناتيجەسىندە ازاماتتار ءوز ۋاقىتىن ۇنەمدەپ, 8 ساعاتتىڭ ىشىندە قۇجاتتاردى راسىمدەپ, 10 مينۋت ىشىندە ءۇيدى تىركەي الادى. سونىمەن قاتار بۇل قىزمەتتىڭ قۇنى نوتاريۋس قىزمەتتەرىنەن الدەقايدا ارزان بولادى. سونداي-اق ازاماتتار جىلجىمايتىن م ۇلىك نىسانىنىڭ ورنالاسقان جەرىنە قاراماستان, مەملەكەتتىك قۇجاتتاردى ونلاين تىركەي الادى.
مامىلەنى راسىمدەگەن ازاماتتار مەن ساتىپ الىناتىن نىساننىڭ بارلىق اقپاراتىن «جىلجىمايتىن م ۇلىك تىركەلىمى» مەملەكەتتىك دەرەكتەر قورى تەكسەرەدى. ساتىپ الۋ-ساتۋ شارتىنا ەلەكتروندى تسيفرلىق قولتاڭبا ارقىلى قول قويۋعا بولادى. بۇل مامىلەنىڭ قاۋىپسىزدىگى مەن اشىقتىعىن قامتاماسىز ەتەدى.
– ءبىز Freedom Bank-پەن بىرلەسىپ, جەكە تۇلعالار اراسىنداعى ساتىپ الۋ-ساتۋ شارتىن رەسىمدەۋگە ارنالعان ونلاين پلاتفورمانى ازىرلەدىك. جاڭا پلاتفورما الداعى ايدا ىسكە قوسىلادى. بۇل جۇيەگە BI Group قۇرىلىس كومپانياسى قاتىسادى. ءبىز اقپاراتتىق قاۋىپسىزدىكتى قامتاماسىز ەتۋ ماقساتىندا تىركەۋشى ورگاندار نوتاريۋستاردىڭ قىزمەتىنە جۇگىنبەستەن, تاراپتاردىڭ ەرىك ءبىلدىرۋىن ونلاين رەجىمدە تەكسەرۋگە مۇمكىندىك بەرەتىن بيومەتريالىق جۇيەنى ەنگىزدىك. قول قويىلعاننان كەيىن جاڭا مەنشىك يەسىنىڭ قۇقىقتارى «جىلجىمايتىن م ۇلىك تىركەلىمى» مەملەكەتتىك دەرەكتەر قورىندا تىركەلەدى, – دەيدى مەملەكەتتىك كورپوراتسيانىڭ باسقارما توراعاسى سۇيەنىش ءابدىلدين.
Freedom Bank ديرەكتورلار كەڭەسى توراعاسىنىڭ كەڭەسشىسى ايدوس جۇماعۇلوۆتىڭ ايتۋىنشا, بانك 2021 جىلى تۇرعىن ءۇيدى يپوتەكاعا الۋدىڭ جۇيەسىن 90 پايىزعا تسيفرلاندىردى. بىراق مامىلەنى جاساسۋدىڭ سوڭعى كەزەڭى – نوتاريۋستا شارتقا قول قويۋ جۇيەسى ازىرلەنبەگەن بولاتىن.
– مەملەكەتتىك سەرۆيستەرمەن ينتەگراتسيالاۋ جانە مەملەكەتتىك كورپوراتسيامەن قۇرىلعان ىنتىماقتاستىقتىڭ ناتيجەسىندە ءبىز قۇجاتتاردى 100 پايىز ونلاين-رەسىمدەۋگە مۇمكىندىك بەرەتىن بلوكچەين-پلاتفورماسىن قۇردىق. وسى پلاتفورمانىڭ كومەگىمەن جەكە تۇلعالار جىلجىمايتىن م ۇلىكتى بيومەتريا مەن بەينەسايكەستەندىرۋدەن وتكەننەن كەيىن, ەلەكتروندىق فورماتتا اشىق جانە قاۋىپسىز مامىلەلەر جاساي الادى, – دەيدى ول.
بۇرىن بۇل جۇيە تەك B2C فورماتىندا قولجەتىمدى بولسا, قازىر س2س فورماتىندا, ياعني دەلدالدارسىز جەكە تۇلعالار اراسىندا تىكەلەي ساتۋعا مۇمكىندىك بەرەتىن جۇيەگە اۋىستى.
