تىڭ يدەيا: ۇزدىك بيزنەس جوبالارعا گرانت بەرىلەدى

Business.enbek.kz پورتالىندا 2023 جىلدىڭ 20 اقپانىنان باستاپ 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 1-لەك بويىنشا جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتار الۋعا وتىنىمدەر قابىلداۋ باستالادى. جوبا بويىنشا 2 577 ادامعا گرانت بەرۋ جوسپارلانعان.

گرانت كولەمى 400 اەك-ءتى، ياعني 1 380 000 تەڭگەنى قۇرايدى. ءار قاتىسۋشى ونى تەك ءبىر رەت الا الادى.

گرانتتار كاسىپكەر بيزنەسىن اشىپ ءارى قاراي دامىتىپ، ءوز-ءوزىن تۇراقتى تابىسبەن قامتاماسىز ەتۋ ماقساتىندا بەرىلەدى.

ءوتىنىم بەرۋ ءۇشىن:

• پورتالدا تىركەلۋ;
• گرانت الۋ شارتتارىنا سايكەستىگىنە تەكسەرۋدەن ءوتۋ;
• بيزنەس-جوسپار ۇلگىسىن جۇكتەپ الىپ، ونى تولتىرۋ جانە پورتالعا ەنگىزۋ;
• ءوتىنىش نىسانىن تولتىرۋ جانە ەتسق كىلتىمەن قول قويۋ قاجەت.

عالامتورعا نەمەسە كومپيۋتەرگە قولجەتىمدىلىك بولماعان جاعدايدا حالىقتى جۇمىسپەن قامتۋ ورتالىقتارى مەن حالىققا قىزمەت كورسەتۋ ورتالىقتارىندا ءوتىنىم بەرۋگە بولاتنىن ايتا كەتكەن ءجون.

جاڭا بيزنەس-يدەيانى ىسكە اسىرۋ ءۇشىن مەملەكەتتىك گرانت الۋعا جۇمىسسىز رەتىندە تىركەلگەندەر، الەۋمەتتىك مارتەبەسى بار (مۇگەدەكتىگى بار، قانداس مارتەبەسى بار، وڭىرارالىق قونىس اۋدارۋشىلار از قامتىلعان وتباسى مۇشەلەرى، كوپبالالى وتباسى مۇشەسى، مۇگەدەكتىگى بار بالانى تاربيەلەپ وتىرعان ادام، اسىراۋشىسىنان ايىرىلۋ بويىنشا جاردەماقى الۋشىلار) جەكە كاسىپكەرلەر ۇمىتكەر بولا الادى.

ۇمىتكەردىڭ «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى 3 جىلدان اسپايتىن مەرزىمگە سەرتيفيكاتى بولۋى ءتيىس.

راسىمدەردىڭ اشىقتىعىن قامتاماسىز ەتۋ، ادامي فاكتوردى ازايتۋ، ءوتىنىش بەرۋشىلەرگە ىڭعايلى بولۋ ءۇشىن گرانتتار بەرۋدىڭ بۇكىل پروتسەسى ەلەكتروندىق فورماتقا اۋىستىرىلدى. گرانت الۋعا وتىنىمدەردى قابىلداۋ بىرىڭعاي تەرەزە – «Business.enbek.kz» پورتالى ارقىلى جۇزەگە اسىرىلادى.

گرانت قاراجاتىنا قاجەتتى قۇرال-سايمانداردى، ەڭبەك قۇرالدارىن، تەحنولوگيالىق جابدىقتار مەن مال باستارىن، جانۋارلاردى، قۇستاردى، كوشەتتەردى، بۇتالاردى، تۇقىمداردى ساتىپ الۋعا، ورىن-جايلاردى جالعا الۋعا بولادى.

قاراجات تۇتىنۋشىلىق ماقساتتارعا، كرەديتتىك قارىزداردى وتەۋگە، جىلجىمايتىن تۇرعىن ءۇي ساتىپ الۋعا جانە سالۋعا، جەر ۋچاسكەلەرىن ساتىپ الۋعا، اكتسيزدەلەتىن ونىمدەر ءوندىرۋ ءۇشىن بەرىلمەيدى.

گرانتقا ۇمىتكەرلەردى ارنايى كوميسسيا تەكسەرىپ، شەشىم شىعارادى.

كوميسسيا شەشىمى ۇمىتكەردىڭ پورتالداعى جەكە كابينەتىنە جىبەرىلەدى. كوميسسيانىڭ وڭ شەشىمى بولعان جاعدايدا ۇمىتكەر بانك دەرەكتەمەلەرىن ۇسىنادى، شارتقا قول قويادى جانە ودان ءارى توقسان سايىن قاراجاتتىڭ پايدالانىلۋى تۋرالى ەسەپ بەرەدى. مۇنىڭ ءبارى ەلەكتروندىق فورماتتا جاسالاتىنىن ەسكە سالا كەتەيىك.

ايتولعان ءجۇنىسحان،

ل.ن.گۋميلەۆ اتىنداعى ەۇۋ ستۋدەنتى