قۋاتى مول قۇراما جەم

وڭىردەگى «قۇرعاق پورت» حالىق­ارالىق جۇك تاسىمالىندا ءوزىنىڭ ەكونوميكالىق تيىم­­دى­لىگىن تانىتىپ ۇلگىر­دى. لوگيس­تيكالىق ورتالىق­تا دايىن­دىق شارالارى اتقا­رىلىپ جاتىر. يندۋستريالىق ور­تا­لىقتا قازىر ون شاقتى ءون­دى­رىس كو­زىنىڭ قۇرىلىسى سالىنىپ، ءونىم وندىرۋگە كىرىسۋدە. سولار­دىڭ ءبىرى – وتكەن جىلدان بەرى قۇراما جەم شىعارا باس­تا­عان «SSA Feed Mills» جشس. ونىڭ قازىرگى جىلدىق ءونىم ءون­دىرۋ قۋاتى 60 مىڭ توننا قۇرا­ما جەم شىعارىپ، شەتەلگە جانە جەرگىلىكتى حالىققا ساتۋ. بۇگىنگە دەيىن بۇل زاۋىتتان 1 مىڭ توننادان اسا تۇيىرشەكتەلگەن قۇراما جەم ساتىلعان. جەم تارتۋشى، تۇيىرشەكتەۋشى جانە قاپتاۋشى تسەحتارىنىڭ ەڭبەككەرلەرى مەن تەحنولوگتەر اي سايىن 250-270 توننا مال مەن قۇس ازىعىنىڭ 20-دان اسا ءتۇرىن دايىندايدى.

مۇندا قۇراما جەمگە جۇ­گەرى، بيداي، مايبۇرشاق، ارپا، س ۇلى داندەرى، باسقا دا مال اع­زاسىنا پايدالى دارۋمەن­دى زات­تار قولدانىلادى. مال ازى­عىندا­عى پروتەين، كالتسي، فوس­فور، كوروتەين مولشەرىنىڭ تالاپ­قا ساي بولۋىن وزىق ۇلگى­دەگى جابدىقتارمەن جاراقتان­دىرىلعان ارنايى ساراپحانا قىزمەتكەرلەرى باقىلايدى.

«جالپى 46 مامان ەڭبەك ەتەتىن كاسىپورىندا ءىرى قارا، جىلقى، قوي، شوشقا، بالىق، قۇسقا قاجەت تولىق راتسيوندى جەم ونىمدەرى وندىرىلەدى»، دەيدى زاۋىت ديرەكتورى سەرگەي نام.

ونىڭ ايتۋىنشا، ولاردىڭ ارقايسىسى تاپسىرىس بەرۋشى­لەردىڭ جەكە رەتسەپتى بويىنشا جاسالادى. يت تاماعىن دا­يىن­داۋعا دا ۇسىنىس ءتۇسىپ جاتىر. زاۋىتقا ورناتىلعان اۆتوماتتىق باسقارۋداعى وزىق ۇلگىدەگى قۇرال جابدىقتار­مەن كەز كەلگەن جا­نۋار ازىعىن دايىنداۋعا مۇمكىندىك مول. زاۋىت تولىق قۋاتىندا جۇمىس ىستەسە، قىزمەتشىلەر سانىن 100-گە دەيىن كوبەيتىپ، ءۇش اۋىسىمدا تاۋلىگىنە 10 تونناعا دەيىن ءونىم وندىرمەك.

كاسىپورىندا قوسپا جەم شى­عارۋدان وزگە استىق ساقتاي­تىن سىيىمدىلىعى 15 مىڭ توننالىق ەلەۆاتور بار. جالپى 7 ادام ەڭبەك ەتەتىن ەلەۆاتور جەرگىلىكتى كاسىپكەرلەردىڭ بيداي، جۇگەرى ءدانىن ساقتاپ، وڭدەپ، دايىن استىقتى ەلدىڭ جانە تاجىكستاننىڭ كاسىپ­ورىن­دارىنا جونەلتىپ، كوممەر­تسيا­لىق قىزمەت كورسەتەدى. زاۋىتقا تەمىرجول جەلىسى تارتىلعان.

اەا اۋماعىندا سالىنعان بۇل زاۋىت ونىمدەرى نەگىزىنەن قىتايعا قوسپا جەم ساتۋعا باعىت­تالعان. الەمدى جايلاعان ىندەتكە بايلانىستى قۇراما جەم ەل ايماقتارىنداعى كاسىپ­ورىندار مەن تاجىكستان فەرمەرلەرى­مەن جۇمىس ىستەپ جاتىر. قۇس پەن بالىق جەمى وتاندىق قۇس وسىرۋشىلەر مەن بالىقشىلارعا جىبەرىلەدى. تاراز قالاسى مەن قورداي فەرمەرلەرى ءىرى قارا بورداقىلايتىن قۇراما جەمگە تاپسىرىس بەرىپ جاتىر.

جالپى، اۋىلداعى ەلدىڭ نەگىزگى كاسىبىنىڭ ءبىرى – مال بور­داقىلاپ ساتۋ. ولاردىڭ كوبى مالىن بيداي، ارپا، جۇگەرى جەمىمەن باعادى. دارۋمەنمەن بايى­تىلعان قۇراما جەم ت ۇلىك­تىڭ تەز جەتىلۋىنە، ەت ساپاسىنىڭ ارتۋىنا پايدالى.

جەتىسۋ وبلىسى