ەگىسكە نەسيە بەرۋ جالعاسىپ جاتىر

رەسپۋبليكالىق بيۋدجەتتەن بولىنگەن العاشقى ترانش 70 ملرد تەڭگە كورپوراتسيانىڭ شوتىنا تۇسكەن. قارجىلاندىرۋدىڭ كوپ بولىگى 5،8 ملرد تەڭگە نەسيە سەرىكتەستىكتەرى ارقىلى بەرىل­گەن. ميكروقارجى ۇيىم­دارى ارقىلى فەرمەرلەر 800 ملن تەڭگە راسىمدەدى. بيىل نەسيە الۋدى جەڭىلدەتۋ جانە جەدەلدەتۋ ماقساتىندا اگرار­لىق نەسيە كورپوراتسياسى قار­جىلان­دىرۋدى تەك نەسيە سەرىكتەس­تىكتەرى، ەكىنشى دەڭگەيدەگى بانكتەر جانە ميكروقارجى ۇيىمدارىن قور­لان­دىرۋ ارقىلى جۇزەگە اسىرىپ جاتىر. نەسيە قاراجاتى قارجى ۇيىم­دارىنا 1،5 پايىز جىلدىق سىياقى مولشەرلەمەسىمەن جانە 1،5 پايىزدان باستالاتىن جىلدىق ءتيىمدى سىياقى مولشەرلەمەسىمەن بەرىلەدى. ال قارجى ۇيىمدارى شارۋا­شىلىقتارعا نەسيەنى جىل­دىق 5 پايىزعا دەيىنگى سىياقى مولشەر­لەمەسىمەن راسىمدەيدى.

«بۇل قاراجات جانار-جا­عارماي، اۋىل شارۋاشىلىعى تەح­نيكاسىن جوندەۋگە قاجەتتى قوسالقى بولشەكتەر، مينەرالدى تىڭايتقىش، تۇقىم ساتىپ الۋعا جانە ەگىن ەگۋ مەن جيناۋعا ارنالعان وزگە دە ءىس-شارالارعا جۇمسالۋعا ءتيىس. 2022 جىلدان باس­تاپ باعدارلاما شارتتارى بو­يىنشا العاش رەت نەسيەلەۋ مەرزىمى كەلەسى جىل كوكتەمىنىڭ باسىنا دەيىن ۇزارتىلدى. بۇرىن نەسيەلەۋ مەرزىمى قارجىلاندىرۋ جىلىمەن شەكتەلگەن ەدى»، دەپ حابارلايدى «بايتەرەك» حولدينگى.

سونىمەن قاتار وڭتۇستىك اي­ماق­­­تار العاش رەت وتكەن جىلدار­داعىداي ءساۋىر ايىندا ەمەس، الدىن الا، ياعني بىلتىر جەلتوقساندا قارجى­لان­دىرىلدى. سونداي-اق 1 گەكتار­عا جۇم­سالاتىن شىعىستار ءنورما­تيۆى­­نىڭ مولشەرى ورتا ەسەپپەن 25 پايىزعا كوبەيتىلگەن.

«بايتەرەك» ۇلتتىق باسقارۋ­شى حول­دينگى» اق باسقارما توراعا­سى­نىڭ ءبىرىنشى ورىنباسارى نۇربو­لات ايداپ­كەلوۆتىڭ ايتۋىنشا، 2022 جىلى اۋىل شارۋاشىلىعى 9 پايىز­عا ءوسىم كورسەتتى. ونىڭ الدىندا ورتاشا ءوسۋ قارقىنى 3-4 پايىز بولعان.

«گەوساياسي وقيعالارعا جانە ولاردىڭ سالدارىنا قاراماستان ونەركاسىپ ءوسىپ وتىر. بۇعان وسىمدىك شارۋاشىلىعى ايتارلىقتاي ۇلەس قوستى. ماسەلەن، ءداندى جانە ءداندى-بۇرشاقتى داقىلدار ءونىمى 39 پايىزعا – 22،8 ملن تونناعا دەيىن ارتتى، ونىڭ ىشىندە بيداي 44 پايىزعا – 17 ملن تونناعا دەيىن ارتتى. مايلى داقىلداردىڭ ءونىمى شامامەن 17 پايىزعا – 2،8 ملن تونناعا دەيىن، كوكونىستەر 4 پايىزعا – 4،9 ملن تونناعا دەيىن ارتتى. مال شارۋاشىلىعىنا دا كورسەتكىشتەر ءوستى. ءىرى قارا مال باسى 2،5 پايىزعا – 8،4 ملن باسقا، قوي 2،2 پايىزعا – 19 ملن باسقا، قۇس 3،8 پايىزعا – 49،5 ملن باسقا دەيىن ءوستى. بۇل دەرەكتەرگە قاراساق، اۋىل شارۋاشىلىعى سىرت­قى داعدارىستارعا توتەپ بەرە الاتىنىن جانە ءارى قاراي دامۋ ءۇشىن نەگىزى مىقتى ەكەنىن كورسەتتى»، دەيدى ول.

ۇكىمەت باسشىسى ءاليحان سمايى­لوۆتىڭ ايتۋىنشا، بيىل ەگىس جۇمىستارىنا 413 مىڭ توننا ديزەل وتىنى قاجەت.

«بۇل وتكەن جىلى بولىنگەن كولەمنەن 13 مىڭ تونناعا كوپ. قازىر­گى ۋاقىتتا وبلىستاردى مۇناي وڭدەۋ زاۋىتتارىنا بەكىتۋ كەس­تەسىنىڭ جوباسىن ازىرلەۋ، سونداي-اق ەگىس جۇمىستارىنا جوس­پارلاناتىن ديزەل وتىنىنىڭ كولەمى مەن باعاسىن كەلىسۋ جۇر­گىزىلىپ جا­تىر. كوكتەمگى ناۋقاندى تەح­ني­كا­لىق قامتاماسىز ەتۋ بولى­گىندە اۋىل شارۋاشىلىعى قۇرى­لىم­دارىندا 141،7 مىڭ تراكتور، 4 300 بىرلىك جوعارى ءونىمدى ەگىس كەشەنى، 73،2 مىڭ سەپكىش، 221،2 مىڭ توپىراق وڭدەۋ ماشيناسى بار»، دەدى پرەمەر-مينيستر دەپۋتات ساۋالىنا بەرگەن جاۋابىندا.