ينۆەستيتسيا كولەمى ازايعان

سالىستىرار بولساق, 2021 جىل­دىڭ سايكەس كەزەڭىندە سەكتورعا سا­لىنعان ينۆەستيتسيا قۇندىق ماندە ءبىر جىلدا 42,5 پايىزعا ازايىپ, 53,4 ملرد تەڭگەنى قۇراعان.

وڭىرلەر بويىنشا كاسىپتىك, عى­لىمي جانە تەحنيكالىق قىزمەت سا­لا­سىنداعى كۇردەلى سالىمداردىڭ ەڭ كوپ كولەمى استاناعا تيەسىلى – 10,3 ملرد تەڭگە, ءبىر جىلدا قۇندىق ماندە 1,8 پايىزعا كوبەيگەن.

الماتى ەكىنشى ورىندا – 8,9 ملرد تەڭگە, ءبىر جىل بۇرىنعى سايكەس كەزەڭىمەن سالىستىرعاندا 10,1 پا­يىز­عا كوپ. ۇزدىك ۇشتىكتى قىزىلوردا وبلىسى تۇيىندەدى – 6 ملرد تەڭگە, جىلدىق ءوسىم – 13,2 پا­يىز. ۇزدىك ءۇش وڭىرگە ەلدەگى بارلىق ينۆەستيتسيانىڭ 55,4 پايىزى تيەسىلى.

ەڭ از ينۆەستيتسيا جەتىسۋ وڭىرىندە – نەبارى 158,9 ملن تەڭگە. ودان بولەك پاۆلودار مەن اقمولا وبلىستارىندا دا از.

سالاعا سالىنعان ينۆەستيتسيا كولەمىنىڭ بارلىعى دەرلىك كاسىپ­ورىنداردىڭ مەنشىكتى قارا­جاتى ەسەبىنەن قامتاماسىز ەتىلگەن – 91,2 پايىز نەمەسە 41,5 ملرد تەڭگە. كور­سەتكىش ءبىر جىلدا 13,7 پايىزعا ازايعان.

رەسپۋبليكالىق بيۋدجەتتەن بو­لىن­گەن قاراجات 1,7 ملرد تەڭگەنى (جىلدىق ءوسىم – 2,9 ەسە), جەرگىلىكتى بيۋدجەتتەردەن – 397,6 ملن تەڭگەنى (7,8 پايىزعا كوبەيگەن) قۇرادى. بانك نەسيەلەرى ەسەبىنەن سالىنعان ينۆەس­تيتسيا بىردەن 28,1 ەسە ءوسىپ, 1,2 ملرد تەڭگەگە جەتسە, بانكتىك ەمەس قارىز قاراجات ەسەبىنەن سالىنعان ينۆەس­تيتسيا كەرىسىنشە 83 پايىزعا ازايىپ 720,2 ملن تەڭگە بولدى.