تارباعاتاي مەملەكەتتىك ۇلتتىق تابيعي پاركىنىڭ اۋماعىندا تۇڭعىش رەت قارساق فوتوتۇزاققا ءتۇستى. قارساق بولعاندا دا، اپپاق. جۇندەرى ۇلپىلدەپ تۇر. بەلدەن اسىپ كەلىپ، بەينەكامەرانىڭ ءدال الدىنا شوقيىپ وتىرا قالىسقان. ءبىر قاراساڭ، قاسقىر ما دەرسىڭ. بىراق بۇلار – تۇلكى تۋىسىنا جاتاتىن جىرتقىش.
جىرتقىش بولعانىمەن، ءىرى جانۋارلارعا تىستەرى باتا قويمايدى. تاسباقا، جىلان، كەسىرتكە، تىشقان سەكىلدى ۇساق جانۋارلاردى قورەك ەتەدى. كەيدە اۋىل ىشىندەگى تاۋىق قوراعا دا تۇسەدى. وزدەرى دە اسا ءىرى ەمەس. دەنە تۇرقى – 40-60 سم عانا. قۇيرىعىنىڭ ۇزىندىعى – 25-30 سم. تۇلكىدەن ايىرماشىلىعى – قۇلاعى اق، تۇمسىعى ءسۇيىر بولىپ كەلەدى. ءبىر قىزىعى، پارك اۋماعىندا فوتوعا تۇسكەن قوس قارساق تا اقشىل. جىلىنا ەكى رەت تۇلەيتىنىن ەسكەرسەك، كوكتەمدە قوڭىرقاي، قىسقا قاراي ءجۇنى اقشىل تارتاتىن شىعار. كوبىنەسە شولەيتتى جازىقتى مەكەن ەتەدى. بۇتا-قاراعان، جىڭعىل تۇبىنەن بەس-التى مەتر ءىن قازىپ، سونى پانالايدى. بورسىق، سۋىردىڭ ءىنىن دە پايدالانىپ كەتەدى. قارساق تەز كوبەيگەنىمەن، ءومىر ءسۇرۋى تىم كەلتە. تابيعي جاعدايدا ءارى كەتسە بەس-التى جىل عانا ءومىر سۇرەدى. جىلىنا ءبىر رەت كۇشىكتەيدى. ءبىر كۇشىكتەگەندە التى كۇشىككە دەيىن تۋادى.
تارباعاتاي مەملەكەتتىك ۇلتتىق تابيعي پاركى قۇرىلعالى ءبىرىنشى رەت فوتوعا تۇسكەنىن ەسكەرسەك، جورتىپ جۇرگەن قارساق كوپ ەمەس. قازىرگى ۋاقىتتا ساناق جۇمىستارى جۇرگىزىلىپ جاتىر. كوكتەمدە جالپى اڭ سانىنىڭ مولشەرى بەلگىلى بولادى. ايتا كەتەرلىگى، ۇلتتىق پاركتىڭ اۋماعىندا قارساقتى زاڭسىز اۋلاعان جاعدايدا 5 ايلىق ەسەپتىك كورسەتكىش (اەك) كولەمىندە، ياعني 17 250 تەڭگە ايىپپۇل سالىنىپ، جاۋاپكەرشىلىككە تارتىلادى. پاركتىڭ قارساعىنا دەيىن قورعالادى.
اباي وبلىسى،
ءۇرجار اۋدانى
قىرعىزستاندا توپىراق كوشكىنى ءجۇرىپ، تۇرعىندار ەۆاكۋاتسيالاندى
الەم • بۇگىن، 14:01
ەۇۋ الەمدىك رەيتينگتە ەداۋىر ىلگەرىلەدى
ءبىلىم • بۇگىن، 13:32
مالايزيادا قازاقستان تەننيسشىلەرى جارتىلاي فينالعا شىقتى
سپورت • بۇگىن، 13:13
بيىل ەلىمىزدە 18 مىڭ پاتەر پايدالانۋعا بەرىلدى
قوعام • بۇگىن، 12:30
الەكساندر بۋبليك مايامي ماستەرس تۋرنيرىندە جەڭىلىپ قالدى
سپورت • بۇگىن، 12:12
ءۇندىستاندا پيروتەحنيكا فابريكاسىنداعى جارىلىستان 8 ادام كوز جۇمدى
الەم • بۇگىن، 12:02
ۇقساس جاڭالىقتار
