ۋنيۆەرسيتەت بۇرىنعى وقۋ-اعارتۋ ءمينيسترى ولاردىڭ ۇسىنىسىن نەگە قابىلداعانىن ءتۇسىندىردى.
«اسحات ايماعامبەتوۆ ءبىلىم الۋشىلارىمىزبەن تاجىريبە جانە ءبىلىم ءبولىسۋ ءۇشىن ءبىزدىڭ ۇسىنىسىمىزدى قابىلدادى. ونىڭ دارىستەرى وقۋ ساپاسىن دا, ستۋدەنتتەردىڭ جەكە دامۋىن دا كۇشەيتەتىنىنە سەنىمدىمىز», دەلىنگەن ۋنيۆەرسيتەت تاراتقان حابارلامادا.
اسحات ايماعامبەتوۆتىڭ ايتۋىنشا, ونىڭ ءبىلىم سالاسىندا ءتۇرلى ۇسىنىستارى مەن العا قويعان جوسپارلارى بار.
«الداعى جوسپارلارىم تۋرالى جاقىن ارادا ايتامىن. وقىتۋشىلىق جۇمىستى كەز-كەلگەن جۇمىسپەن بىرىكتىرۋگە بولادى, سوندىقتان مەن اعارتۋشىلىق قىزمەتتى دە جالعاستىرامىن», دەدى ول.
2022 جىلدىڭ ماۋسىمىنان 2023 جىلدىڭ قاڭتارىنا دەيىن اسحات ايماعامبەتوۆ قر وقۋ-اعارتۋ ءمينيسترى قىزمەتىن اتقاردى. بۇدان بۇرىن, 2019-2022 جىلدارى قر ءبىلىم جانە عىلىم ءمينيسترى بولعان.
