اپات بولعان ساتتەن باستاپ كوممۋنالدىق قىزمەتتەر اۆتوموبيل جولى مەن جەكە تۇرعىن ءۇي سەكتورىنىڭ بويىن ۇيىندىمەن بەكىتۋ جۇمىستارىن باستادى. سونداي-اق جەكە سەكتوردىڭ اۋلا اۋماقتارىنا كىرگەن اعىندى سۋدى سورىپ شىعارۋ جۇمىستارىن جۇرگىزدى.
سونىمەن قاتار كارىز سۋى دەڭگەيىنىڭ كوتەرىلۋى جالعاسا بەرگەندىكتەن, قوسىمشا كۇشتەر مەن قۇرالداردى قالىپتاستىرۋ قاجەتتىلىگى تۋىندادى.
جەدەل شتاب ۇيىمداستىرىلىپ, اباي وبلىسى تج دەپارتامەنتىنىڭ كۇشتەرى مەن قۇرالدارى جانە تجم 68303 اسكەري ءبولىمىنىڭ اسكەري قىزمەتشىلەرى وقيعا ورنىنا اتتاندى.
7 اقپانداعى جاعداي بويىنشا, وقيعا ورنىندا توپىراق سەبۋ, سونداي-اق كارىز قالدىقتارىن سورىپ شىعارۋ جۇمىستارى جۇرگىزىلىپ جاتىر.
«16 اۋلا مەن 6 ۇيگە سۋ كىردى. تجم 68303 اسكەري ءبولىمى اسكەري قىزمەتشىلەرىنىڭ كۇشىمەن سۋدىڭ ۇيلەرگە قايتا كىرۋىنە جول بەرمەۋ ماقساتىندا ينەرتتى ماتەريالدار سالىنعان 600 دانادان استام قاپ توسەلدى. قاپتاردى توسەۋ جۇمىستارى جالعاسىپ جاتىر», دەلىنگەن تجم ءباسپاسوز قىزمەتىنىڭ حابارلاماسىندا.
اپاتتى جويۋعا اكىمدىكتەن, تجد, تجم 68303 اسكەري بولىمىنەن 115 ادام جانە 46 بىرلىك تەحنيكا جۇمىلدىرىلدى.
