كەشە وتانداستارىمىز تاعى ەكى رەت جەڭىس تۇعىرىنا كوتەرىلدى. 1 500 مەترگە جۇگىرگەن نۇرالى اقجول كۇمىس مەدال يەلەنىپ, ءۇش كەزەڭنىڭ قورىتىندىسى بويىنشا ەكىنشى ورىندى ولجالادى. قىزدار اراسىنداعى ءدال سول قاشىقتىقتا ارينا يلياشەنكو مارە سىزىعىن ءۇشىنشى بولىپ قيىپ ءوتتى. جوعارىدا ەسىمدەرى اتالعان سپورتشىلار بىلتىر فينليانديا, اۋستريا جانە قارت قۇرلىقتىڭ تاعى باسقا دا مەملەكەتتەرىندە وتكەن حالىقارالىق جارىستاردا جەڭىس تۇعىرىنا كوتەرىلگەنىن جانكۇيەرلەر ۇمىتا قويعان جوق. سونىمەن قاتار نۇرالىنىڭ 1500 مەترلىك سايىستا 15 جىل بويى مۇرتى بۇزىلماي تۇرعان ەلىمىزدىڭ رەكوردىن جاڭارتقانى دا ەسىمىزدە.
ال سونىڭ الدىندا عانا قازاقستاننىڭ تاعى ءبىر دارىندى ورەنى الينا داۋرانوۆا 1 000 مەترلىك قاشىقتىقتى 1 مينۋت 17,98 سەكۋندتا جۇگىرىپ ءوتىپ, التىننان القا تاققان ەدى.
