بىرقاتار وڭىردە اۋا رايىنا بايلانىستى ەسكەرتۋ جاريالاندى

سينوپتيكتەردىڭ مالىمەتىنشە، ەرتەڭ اتىراۋ، قىزىلوردا، اقتوبە، باتىس قازاقستان جانە تۇركىستان وبلىستارىندا اۋا رايى قۇبىلادى.

كۇندىز اتىراۋ وبلىسىنىڭ وڭتۇستىگىندە، ورتالىعىندا قالىڭ قار جاۋادى. وبلىستىڭ وڭتۇستىگىندە، باتىسىندا جاياۋ بۇرقاسىن جۇرەدى. بوران سوعادى. كۇندىز وبلىستىڭ باسىم بولىگىندە شىعىستان، سولتۇستىك شىعىستان سوققان جەلدىڭ ەكپىنى 15-20 م/س قۇرايدى. اتىراۋدا كۇندىز قار جاۋادى، بوران بولادى، شىعىستان، سولتۇستىك شىعىستان سوققان جەلدىڭ ەكپىنى 15-20 م/س بولادى.

ەرتەڭ قىزىلوردا وبلىسىنىڭ ورتالىعىندا تۇمان تۇسەدى. كۇندىز وبلىستىڭ ورتالىعىندا سولتۇستىك شىعىستان سوققان جەلدىڭ ەكپىنى 15-20 م/س جەتەدى. قىزىلوردادا تۇمان بولادى دەپ كۇتىلەدى.

كۇندىز اقتوبە وبلىسىنىڭ وڭتۇستىك باتىسىندا قارلى بوران بولادى. كۇندىز وبلىستىڭ وڭتۇستىك-باتىسىندا شىعىستان، سولتۇستىك شىعىستان سوققان جەلدىڭ ەكپىنى 15-20 م/س قۇرايدى.

كۇندىز باتىس قازاقستان وبلىسىنىڭ باتىسىندا، وڭتۇستىگىندە سولتۇستىك شىعىستان سوققان جەلدىڭ ەكپىنى 15-20 م/س جەتەدى.

تۇندە تۇركىستان وبلىسىنىڭ وڭتۇستىگىندە، تاۋلى اۋداندارى مەن تاۋ بوكتەرىندە نوسەر جاڭبىر جاۋادى، نايزاعاي وينايدى. وبلىستىڭ ورتالىعىندا، سولتۇستىگىندە تۇمان تۇسەدى. شىعىستان، وڭتۇستىك شىعىستان سوققان جەلدىڭ نايزاعاي كەزىندەگى ەكپىنى 15-20 م/س قۇرايدى. شىمكەنتتە تۇندە نايزاعاي وينايدى دەپ كۇتىلەدى. شىعىستان، وڭتۇستىك شىعىستان سوققان جەلدىڭ نايزاعاي كەزىندە ەكپىنى - 15-20 م/س.

سونداي-اق ۇلىتاۋ وبلىسىنىڭ سولتۇستىگىندە، شىعىسىندا تۇمان تۇسەدى.

ماڭعىستاۋ وبلىسىنىڭ سولتۇستىگىندە، باتىسىندا كوكتايعاق بولادى. وبلىستىڭ شىعىسىندا، سولتۇستىگىندە شىعىستان، وڭتۇستىك شىعىستان سوققان جەلدىڭ ەكپىنى 9-14 م/س، كەي تۇستا 15-20 م/س بولادى دەگەن بولجام بار.