2022 جىلدىڭ قورىتىندىسى بويىنشا قازاقستاندىقتارعا پرواكتيۆتى فورماتتا 1،1 ملن ءتۇرلى مەملەكەتتىك قىزمەت كورسەتىلدى، دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
پرواكتيۆتى قىزمەتتەر كورسەتۋ كەزىندە قۇجاتتاردى جيناۋدىڭ قاجەتى جوق، بارلىق مالىمەتتەر مەملەكەتتىك دەرەكتەر بازاسىنان ەلەكتروندى تۇردە الىنادى.
بۇگىنگى تاڭدا پرواكتيۆتى فورماتتا الەۋمەتتىك-ەڭبەك سالاسىنىڭ 23 مەملەكەتتىك قىزمەتى كورسەتىلەدى. ولاردىڭ ىشىندەگى ەڭ سۇرانىسقا يە بولعاندارى:
– جۇمىسسىزداردى تىركەۋ (347 مىڭ);
– بالا تۋعا جانە بالا كۇتىمىنە جاردەماقى تاعايىنداۋ (215 مىڭ);
– بالا كۇتىمىنە بايلانىستى تابىسىنان ايىرىلعان جاعدايدا الەۋمەتتىك تولەم تاعايىنداۋ (179 مىڭ);
– ينفلياتسيا دەڭگەيىن ەسكەرە وتىرىپ، ناقتى ەنگىزىلگەن مىندەتتى زەينەتاقى جارنالارىنىڭ، مىندەتتى كاسىپتىك زەينەتاقى جارنالارىنىڭ سوماسى مەن زەينەتاقى جيناقتارىنىڭ سوماسى (مەملەكەتتىك كەپىلدىك) اراسىنداعى ايىرمانى تولەۋ (127 مىڭ);
– مۇگەدەكتىكتى جانە/نەمەسە ەڭبەككە قابىلەتتىلىگىنەن ايىرىلۋ دارەجەسىن بەلگىلەۋ جانە/نەمەسە قاجەتتى الەۋمەتتىك قورعاۋ شارالارىن ايقىنداۋ (57 مىڭ).
بۇدان باسقا بىرقاتار باسقا قىزمەتتى تۇرلەندىرۋ جانە جەڭىلدەتۋ بويىنشا جۇمىستار جۇرگىزىلىپ جاتىر.
بۇرىن دەنساۋلىعىنان ايىرىلعان ازاماتتار مۇگەدەكتىك بەلگىلەۋ كەزىندە، سونداي-اق وڭالتۋدىڭ جاردەماقىلارى مەن تەحنيكالىق قۇرالدارىن الۋ كەزىندە ءتورت ءتۇرلى ينستانتسياعا: ەمحاناعا، ءماس بولىمىنە، حقكو-عا جانە اكىمدىككە جۇگىنۋگە ءماجبۇر بولاتىن.
ەندى ءوتىنىش بەرۋشى تەك تۇرعىلىقتى جەرى بويىنشا ەمحاناعا جۇگىنەدى، ال قالعان پروتسەستەر اقپاراتتىق جۇيەلەردى ينتەگراتسيالاۋ ەسەبىنەن ادام قاتىسۋىنسىز وتەدى.
مۇگەدەكتىك بەلگىلەنگەننەن كەيىن ءوتىنىش بەرۋشىگە وزىنە سەنىپ تاپسىرىلعان تەحنيكالىق وڭالتۋ قۇرالدارى مەن الەۋمەتتىك قىزمەتتەردى پرواكتيۆتى تۇردە الۋ ءۇشىن تەك كەلگەن SMS-حابارلاماعا جاۋاپ بەرۋ قاجەت جانە مۇگەدەكتىگى بار ادامدى وڭالتۋ مەن ابيليتاتسيا جەكە باعدارلاماسىنا (واجب) سايكەس وعان قولجەتىمدى بارلىق شارالار اۆتوماتتى تۇردە الەۋمەتتىك قىزمەتتەر پورتالىنا جىبەرىلەتىن بولادى. جىل قورىتىندىسى بويىنشا 55 مىڭنان استام ازامات وتق جانە الەۋمەتتىك قىزمەتتەردى بەلسەندى تۇردە رەسىمدەدى.
بۇدان باسقا وسى جىلدىڭ 1 قاڭتارىنان باستاپ مەملەكەت باسشىسىنىڭ تاپسىرماسىنا سايكەس وتباسىنىڭ ءال-اۋقاتىن جانە مەملەكەتتىك قولداۋدىڭ ءتيىستى شارالارىن ايقىندايتىن «وتباسىنىڭ تسيفرلىق كارتاسى» جۇمىس رەجيمىندە ىسكە قوسىلدى.
بۇعان دەيىن 2022 جىلعى 1 قىركۇيەكتەن باستاپ وتباسىنىڭ تسيفرلىق كارتاسىن پيلوتتىق ىسكە قوسۋ جۇزەگە اسىرىلدى، ونىڭ بارىسىندا قولداۋ شارالارىن الەۋەتتى الۋشىلارعا پرواكتيۆتى فورماتتا مەملەكەتتىك قىزمەتتەر كورسەتۋگە كەلىسىم الۋ ءۇشىن 77 مىڭ SMS-حابارلاما جىبەرىلدى جانە 30 مىڭعا جۋىق تولەم تاعايىندالدى.
جانقوش تۇراروۆ الەم چەمپيونى اتاندى
سپورت • كەشە
«قاجىمۇقاننىڭ ءىنىسى». تۇيە كوتەرگەن پالۋان
قوعام • كەشە
تازى اسىراۋشى پرەزيدەنتكە ناۋرىز ەسىمدى كۇشىكتى سىيعا بەردى
پرەزيدەنت • كەشە
رامازان ايىندا قاي اۆتوبۋستار تەگىن قاتىنايدى؟
قوعام • كەشە
استانا قالاسى بويىنشا قازىناشىلىق دەپارتامەنتىنە جاڭا باسشى تاعايىندالدى
تاعايىنداۋ • كەشە
ۇقساس جاڭالىقتار
