تاعى ءتورت ۇمىتكەر ماجوريتارلىق جۇيە بويىنشا سايلاۋعا قاتىسادى. ال جەرگىلىكتى ماسليحاتتارعا 160 كانديدات تىركەلگەن. ەستەرىڭىزگە سالساق, «بايتاق» جاسىلدار پارتياسى 2022 جىلدىڭ سوڭىندا ەكولوگيالىق تۇراقتى قوعام قۇرۋ, حالىقتىق دەموكراتيا جانە ەكولوگياعا ۇقىپتى قاراۋ قاعيداتتارىن قولداۋ ماقساتىندا قۇرىلعان بولاتىن. ساياسي ارەناعا ەندى قادام باسقان جاس پارتيانىڭ ماقساتى ايقىن, جىگەرى تاسىپ تۇر. مۇنى قۇرىلتاي بارىسىندا اڭعاردىق. پارتيانىڭ ماقساتى – وسىمدىكتەر مەن جانۋارلار دۇنيەسىن قورعاۋ, بيولوگيالىق ارتۇرلىلىكتى ساقتاۋ, تابيعي رەسۋرستاردى ورىندى پايدالانۋدىڭ جالپى الەمدىك قاعيداتتارىن ەنگىزۋ, يننوۆاتسيالىق تەحنولوگيالاردى ەنگىزۋ جانە قورشاعان ورتا سالاسىن تسيفرلاندىرۋ.
پارتيا توراعاسى ازاماتحان امىرتاەۆ تىزىمدەگى كانديداتتاردىڭ شامامەن 15-ءى ماجىلىسكە باراتىنىنا سەنىمدى.
– ءبىز 2,5 ملن داۋىس جينايمىز دەپ ويلايمىن, ول شامامەن تىزىمدەگى 15 ادام, سونداي-اق ماجوريتارلىق تىزىمدەگى كانديداتتار بار. كوپ نارسە ماتەريالدىق رەسۋرسقا بايلانىستى. ءبىزدىڭ پارتيا حالىقتان شىقتى, سايلاۋعا قاتىسۋ ءۇشىن كوپ قاراجات كەرەك. سوندىقتان تاۋەكەلدەردى ازايتۋ ءۇشىن ەكى جاقتان دا قاتىسامىز دەپ شەشتىك. ءبىزدىڭ پارتياعا مىندەتتى تۇردە لايىقتى ورىندار بۇيىرادى دەپ سەنەمىن. ويتكەنى جەرگىلىكتى جەرلەردەگى جاقتاستارىمىز مىقتى. حالىقتىڭ قولداۋىن دا سەزىنىپ ءجۇرمىز. پارتيالىق تىزىمگە وتكەن ادامداردى دەپۋتاتتىققا وتكىزەمىز. «بايتاق» جاسىل ەكونوميكا, جاسىل ەنەرگەتيكا ماسەلەسىمەن اينالىسادى.
ءبىز اينالامىزعا قورشاعان ورتانى قورعاۋعا بەيجاي قارامايتىن ازاماتتاردى توپتاستىردىق. تۇركىستان, جامبىل, قىزىلوردا, اتىراۋ وبلىستارى, الماتى قالاسى مەن ەلىمىزدىڭ باتىس وڭىرلەرىندە بەلسەندىلەر جۇيەلى جۇمىس ىستەپ جاتىر,
ءبىز پارلامەنتتە بيزنەسمەندەر, بايلاردى ەمەس, قاراپايىم قوعام بەلسەندىلەرىن كورگىمىز كەلەدى. بايلار, بيزنەسمەندەر تەك ءوز قالتالارىن عانا ويلايدى. ال ءبىز بولاشاق دەپۋتاتتار ەلدىڭ اراسىنان شىعىپ, حالىقتى تولعاندىرعان ماسەلەلەردى كوتەرگەنىن قالايمىز. ەلىم دەپ جۇرگەن قاراپايىم ادامداردى دا تارتۋ كەرەك. سوندىقتان ءبىز بيزنەسمەندەر مەن وليگارحتاردىڭ ساياسي ساحناعا كەلۋىنە قارسىمىز, دەدى پارتيا جەتەكشىسى.
ساياسي قۇرىلىم ەلدەگى ەكولوگيالىق پروبلەمالارمەن قاتار, حالىقتىڭ تابىسىن ارتتىرۋ مەن الەۋمەتتىك ماسەلەلەردى شەشۋگە باسىمدىق بەرۋدى كوزدەپ وتىر. قۇرىلتايدا بايلار مەن كەدەيلەر اراسىنداعى الشاقتىق ماسەلەسى دە كوتەرىلدى. «قازاقستاندا اسا باي جانە كەدەي ازاماتتار اراسىندا الشاقتىق پايدا بولدى. تەڭسىزدىك جونىندەگى دۇنيەجۇزىلىك دەرەكتەر بازاسىنان الىنعان اقپاراتقا سايكەس, 2021 جىلى قازاقستانداعى ەڭ كوپ تابىسى بار ەرەسەك ازاماتتاردىڭ 1%-ى بارلىق كىرىستەردىڭ 15%-ىن قۇراعان. حالىقتىڭ ەڭ باي پايىزى بايلىقتىڭ 30%-ىن, ال كەدەيلىكتە ءومىر سۇرەتىندەر تەك 5%-ىن قۇراۋى بايلىقتى بولۋدەگى تەڭسىزدىكتى كۇشەيتىپ وتىر», دەدى پارتيا باسشىلىعى.
