ساياسي ۇيىم تاريحىنداعى اسا ماڭىزدى كەزدەسۋدى «اۋىل» پارتياسىنىڭ توراعاسى ءالي بەكتاەۆ اشتى. ول ءوز بايانداماسىندا اۋىل ءاربىر ازاماتتىڭ التىن بەسىگى ەكەنىن اتاپ ءوتتى.
– ءبىز اۋىلدىڭ مۇددەسىن قورعايمىز. «اۋىل» پارتياسى پارلامەنت سايلاۋىنا قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋگە نەگىزدەلگەن باعدارلاماسىمەن قاتىساتىنىن مالىمدەيدى. «اۋىل» پارتياسىنىڭ قاتارىندا ەلىمىزدىڭ كوپتەگەن پاتريوت, ىسكەر ازاماتى بار. سەزدە پارلامەنت ءماجىلىسىنىڭ دەپۋتاتتىعىنا كانديداتتاردىڭ پارتيالىق ءتىزىمىن بەكىتتىك جانە ءبىر مانداتتى سايلاۋ وكرۋگتەرى بويىنشا كانديداتۋرالاردى ۇسىندىق.
ءبىزدىڭ پارتيا وسىمەن ءۇشىنشى رەت پارلامەنت جانە ءماسليحات سايلاۋىنا قاتىسىپ وتىر. 2017 جىلى ءبىرىنشى سايلاۋدا ءبىزدىڭ كورسەتكىش كوڭىلىمىزدەن شىققان جوق. سودان بەرى «اۋىل» پارتياسى ءوزىنىڭ جۇمىسىن جانداندىرىپ, وي تۇزەپ, ءوزىنىڭ جوسپارىنا تولىق وزگەرىستەر ەنگىزىپ, كەشەندى باعدارلاماسىن قالىپتاستىردى. قازىرگى ۋاقىتتا ساياسي ۇيىمعا اينالدى دەپ تولىق سەنىممەن ايتا الامىن. 2012 جىلعى سايلاۋدا ءبىز پارلامەنت ماجىلىسىنە وتە المادىق. سول كەزدەگى ءماسليحات سايلاۋىندا جەرگىلىكتى ءماسليحاتتاردىڭ دەپۋتاتتىعىنا 237 ازامات ءوتتى. بۇدان بولەك, اۋىل اكىمدەرىنىڭ سايلاۋىندا 35 اۋىل پارتياسىنىڭ مۇشەسى اكىم بولىپ سايلاندى. بيىلعى سايلاۋدان ۇلكەن ءۇمىت كۇتەمىز. بۇل ناۋقاندا پارتيانىڭ 600-دەن استام وكىلىن ءتۇرلى دەڭگەيدەگى ءماسليحات دەپۋتاتتىعىنا كانديدات رەتىندە ۇسىنامىز, دەدى پارتيا توراعاسى.
پارتيانىڭ باعىتى ەش ۋاقىتتا وزگەرمەيدى. اۋىل شارۋاشىلىعى مەن اگرارلىق سالانى دامىتۋ جانە اۋىلدىق ەلدى مەكەندەردى دامىتۋ اسا ماڭىزدى ەكەنىن ايتقىم كەلەدى. اۋىل – ءبىزدىڭ بولاشاعىمىز. اۋىل – ەل ەكونوميكاسىنىڭ نەگىزگى درايۆەرى. اۋىلدىڭ جاعدايىن تۇزەپ, اۋىلداعى ازاماتتاردى تۇراقتاندىراتىن بولساق, قالانىڭ دا جاعدايى جاقسارادى, – دەدى ءالي بەكتاەۆ.
قۇرىلتايدا پارتيانىڭ سايلاۋالدى باعدارلاماسىنداعى نەگىزگى ماسەلەلەر تالقىعا ءتۇستى. ماسەلەن, تۇرعىندارمەن كەزدەسۋ بارىسىندا ساتىپ الۋشىلار تاراپىنان باعالارعا قاتىستى كوپتەگەن سۇراق تۋىنداپ جاتادى. نەگىزىنەن باعانىڭ تۇراقسىزدىعى, ونىڭ ۇنەمى كوتەرىلەتىنى, تاۋاردىڭ قىمباتتىعى تۋرالى ايتىلادى. ال ساتۋشىلار «وتاندىق تاۋار وندىرۋشىلەردەن تاۋارلاردى جۇيەلى تۇردە جەتكىزۋ جوق, سوندىقتان يمپورتتىق دايىن ونىمدەرمەن جۇمىس ىستەۋگە تۋرا كەلەدى» دەگەن پىكىردى العا تارتادى. پارتيا توراعاسىنىڭ ورىنباسارى جيگۋلي دايراباەۆتىڭ ايتۋىنشا, ازىق-ت ۇلىك تاۋارلارى باعاسىنىڭ تۇراقتى ءوسۋى ەلدىڭ ازىق-ت ۇلىك قاۋىپسىزدىگىنە تىكەلەي جانە ناقتى تونگەن قاۋىپ. «ازىق-ت ۇلىك قاۋىپسىزدىگى ەلەمەنتتەرىنىڭ ءبىرى – ازاماتتاردىڭ قولجەتىمدى, قولايلى باعامەن ازىق-ت ۇلىك ساتىپ الۋ مۇمكىندىگى. بۇل ءبىزدىڭ ەلدە جوق. مۇنىڭ ءبارى رەتتەلۋى ءۇشىن ەڭ باستىسى, كۇشتى قولداۋ قاجەت. قاپتاماعا ىڭعايلى, ساپالى, سۇرىپتالعان ءونىم كوپ بولۋى كەرەك. ول ءۇشىن كووپەراتيۆتەر, ساتۋ كووپەراتيۆتەرى قۇرىلۋعا ءتيىس. مەملەكەتتىڭ اگرارلىق ساياساتىن ۇيلەستىرۋ قاجەت. ول ءۇشىن اۋىل شارۋاشىلىعى ينفراقۇرىلىمىن قۇرۋ ماڭىزدى. اۋىل ەڭبەككەرلەرىنىڭ اۋىلدا وندىرەتىن ونىمدەرىن ءدال وسى ۇيىمدار ساتىپ الىپ, قالاعا جەتكىزەدى. مۇنىڭ ءبارى اۋىل شارۋاشىلىعى تاۋارىن وندىرۋشىلەردىڭ كووپەراتسياسى نەگىزىندە بولۋعا ءتيىس. باعالار قولايلى بولۋى ءۇشىن اۋىلشارۋاشىلىق ونىمدەرىن كوبىرەك ءوندىرىپ, ساپالى ءونىم شىعارۋ كەرەك», دەيدى ول.
«اۋىل» پارتياسى اۋىلدىق ەلدى مەكەندەردى جاڭعىرتۋ جونىندەگى ۇزاق مەرزىمدى ۇلتتىق ستراتەگيانى زاڭ دەڭگەيىندە قابىلداۋدى ۇسىنىپ وتىر. اسىرەسە اۋىل شارۋاشىلىعى ەڭبەككەرلەرىنىڭ مارتەبەسىن ارتتىرۋ وتە ماڭىزدى. قالا تۇرعىندارىن كوممەرتسيالىق ۇستەمە باعاسىز ازىق-ت ۇلىك تاۋارلارىمەن قامتاماسىز ەتۋ ءۇشىن مەگاپوليستەردە, مونوقالالاردا, وبلىس جانە اۋدان ورتالىقتارىندا تۇتىنۋ قوعامدارى مەن كووپەراتيۆتەر جەلىسىن قۇرۋ جانە دامىتۋ جوسپارلانعان.
