فوتو: bloomberg.com
كولىك قاۋىپسىزدىگى جونىندەگى ۇلتتىق كەڭەستىڭ وكىلى مايكل گرەم ۆاگوندار رەلستەن شىققاندا ءىرى ءورت باستالعانىن ايتتى. تەمىرجولدار جابىلدى.
جۇزدەن استام ۆاگونى بار پويىزدىڭ جيىرماسىنشى ۆاگونىندا ۆينيلحلوريد بولعان. ول جانعان كەزدە بولىنەتىن گاز قورشاعان ورتاعا قاۋىپتى, ال زاتتەكتىڭ ءوزى ۋلى ءارى جىلدام تۇتانعىش. ءۆينيلحلوريدى بار قانشا ۆاگوننىڭ ب ۇلىنگەنى تۋرالى اقپارات جوق. الايدا جەرگىلىكتى ءورت قاۋىپسىزدىگىنىڭ باسشىسى ونداي ۆاگونداردا گازدىڭ شىعۋىنىڭ الدىن الاتىن تەتىكتەر جۇمىس ىستەيتىنىن ايتتى.
باسقا ۆاگونداردا حيميالىق زاتتار بولعان. ولاردىڭ تولىق ءتىزىمىن جەرگىلىكتى جانە فەدەرالدىق بيلىك ءورت سوندىرۋشىلەرگە جىبەرەدى.
وقيعا سالدارىنان قايتىس بولعاندار مەن زارداپ شەككەندەر تۋرالى اقپارات ناقتىلانىپ جاتىر.
