ايماقتار • 04 اقپان، 2023

پەتروپاۆل-الماتى باعىتىنداعى پويىزدا ءورت شىقتى

67 رەت كورسەتىلدى

پەتروپاۆل-الماتى باعىتىنداعى «تالگو» پويىزىنىڭ ۆاگوندارىنىڭ بىرىندە ءورت شىقتى، دەپ حابارلايدى Egemen.kz قتج سايتىنا سىلتەمە جاساپ.

3 اقپان كۇنى ساعات 21:57-دە قاراعاندى ​​وبلىسىنداعى ارشالى – انار ۋچاسكەسىندە پويىز سوڭىندا تەحنيكالىق ۆاگوننىڭ ورتەنۋىنە بايلانىستى №105/106 پەتروپاۆل – الماتى باعىتىنداعى پويىزدىڭ قوزعالىسى توقتاتىلدى.

پويىزدا 235 جولاۋشى بولعان، زارداپ شەككەندەر جوق. ءورت ءسوندىرىلدى.

«جولاۋشىلاردى تاسىمالداۋ جانە الماتى ۆوكزالىنا جونەلتۋ ءۇشىن استانادان جەتى كۋپە جانە ءبىر رەزەرۆتىك ۆاگوننان تۇراتىن ءبىر رەتتىك پويىز جونەلتىلدى. قازىردىڭ وزىندە «قتج ۇك» اق-نىڭ ارنايى قۇرىلعان كوميسسياسى وقيعانىڭ سەبەپتەرىن انىقتاۋعا كىرىستى»، دەپ حابارلادى ءباسپاسوز قىزمەتىنەن. 

كومپانيانىڭ ءباسپاسوز قىزمەتى ساپارعا شىققان جولاۋشىلارعا تەمىرجول كولىگىمەن جولاۋشىلاردى، باگاجدى، جۇك باگاجدى جانە پوشتانى تاسىمالداۋ ەرەجەلەرىنە سايكەس بەلگىلەنگەن تارتىپتە جول اقىسىنىڭ ايىرماسى تولەنەتىنىن اتاپ ءوتتى.

ۇقساس جاڭالىقتار