دارىگەردىڭ ايتۋىنشا استانا بويىنشا جالپى سىرقاتتانۋشىلىقتىڭ 180,1-دەن (2021 جىلى) 180,6-عا (2022 جىلى) دەيىن ءوسۋ ءۇردىسى بايقالادى, بۇل جالپى اۋرۋدى الدىن الا انىقتاۋ, تۇراقتى تۇردە سكرينينگتەر جۇرگىزۋمەن جانە جالپى ءولىم-ءجىتىمنىڭ 71,1-دەن (2021 جىلى) 67,0-گە (2022 جىلى) دەيىن تومەندەۋىمەن بايلانىستى بولىپ وتىر.
«2007 جىلدان باستاپ استانا قالاسى بويىنشا سىرقاتتانۋشىلىق قۇرىلىمىندا ءسۇت بەزى وبىرى 1-ورىندا, بىلتىر 401 سىرقات جاعدايى تىركەلگەن, بۇل 100 مىڭ تۇرعىنعا شاققاندا 30,3 قۇرادى (2021 جىلى – 100 مىڭ ادامعا شاققاندا 344/28,4), سكرينينگتەردى ەنگىزۋگە بايلانىستى سىرقات بەلگىلەرىن ۋاقىتىنان ەرتە انىقتاۋ 6,6%-عا ارتتى. 2021 جىلمەن سالىستىرعاندا 100 مىڭ تۇرعىنعا شاققاندا 6,7-دەن 6,2-گە دەيىن ءولىم-ءجىتىمنىڭ 7,5%-عا تومەندەۋى بايقالادى, اۋرۋدىڭ 1-2-ساتىسىنىڭ ەرتە دياگنوستيكاسى جاقساردى جانە 90,2% – 3 (2021 جىلى – 87,0%) 3,7%-عا جوعارى كورسەتكىشتى قۇرادى. بۇگىنگى تاڭدا 3 مىڭنان استام ايەل ءسۇت بەزى وبىرى بار ديسپانسەرلىك ەسەپتە تۇرادى», دەپ ناقتىلادى يۋري جۋكوۆ.
بۇل رەتتە, دارىگەر قاتەرلى دەرتكە شالدىعاتىندار قاتارى جاسارىپ كەلە جاتقانىن نازارعا سالدى. سىرقاتتانۋشىلىقتىڭ 50-60%-ى 40-60 جاس ارالىعىنداعى ناۋقاستار اراسىندا تىركەلگەن. دەگەنمەن قاتەرلى ىسىك 20-30 جاستاعى ناۋقاستاردا دا ءجيى كەزدەسەدى.
