«تاعى ءبىر ماڭىزدى باعىت – ازىق-ت ۇلىك قاۋىپسىزدىگىن نىعايتۋ. ءبىزدىڭ ەلدەرىمىزدە ءوزىمىزدى بارلىق قاجەتتى اۋىل شارۋاشىلىعى ونىمدەرىمەن قاۋىپسىز قامتاماسىز ەتىپ قانا قويماي, سونىمەن قاتار ازىق-ت ۇلىكتى ايتارلىقتاي كولەمدە ەكسپورتتاۋعا مۇمكىندىك بەرەتىن قۋاتتى اگروونەركاسىپتىك بازا بار. ءبىزدىڭ ارتىقشىلىقتارىمىزدى تيىمدىرەك پايدالانۋ قاجەت», دەدى م.ميشۋستين.
ول باتىستىڭ ءوز گەگەمونياسىن ورناتۋ ارەكەتتەرى ازىق-ت ۇلىك قاۋىپسىزدىگى پروبلەمالارىنىڭ كۇشەيۋىنە جانە جەتكىزۋ تىزبەگىنىڭ بۇزىلۋىنا اكەلىپ سوقتىرعانىن, بۇل ەڭ الدىمەن دامۋشى ەلدەردىڭ تۇرعىندارىنا اسەر ەتكەنىن اتاپ ءوتتى.
پرەمەر-ءمينيستردىڭ ايتۋىنشا, ەاەو ەلدەرىنىڭ اۋىل شارۋاشىلىعى ونىمدەرىنە سىرتقى سۇرانىس ارتىپ كەلەدى, ال يران, ءۇندىستان جانە بىرىككەن اراب امىرلىكتەرى ەڭ پەرسپەكتيۆالى ايماقتار قاتارىندا تۇر.
ء«بىز سونداي-اق قىتاي باعىتىندا ءتيىمدى لوگيستيكانى قۇرۋ بويىنشا ىنتىماقتاسۋعا دايىنبىز», دەدى ميشۋستين.
سونداي-اق ول ءبىر جىل بۇرىن ەاەو ەلدەرى ىسكە قوسقان «ەۋرازيالىق اگروەكسپرەسس» جوباسى ءوزىن جاقسى جاعىنان كورسەتىپ, ءبىر جىلدا 500 مىڭ توننادان استام اگروونەركاسىپتىك ءونىمدى تاسىمالداعانىن اتاپ ءوتتى.
سونىمەن قاتار ونىڭ ايتۋىنشا, مامانداندىرىلعان رەفريجەراتورلىق كونتەينەرلەردىڭ «قاتتى پاركى» جاساقتالىپ, بلوكتىق پويىزدار كۇن سايىن جونەلتىلەدى. رەسەيدىڭ جوباسى سولتۇستىك-وڭتۇستىك ءدالىزى ەلدەرىنە كەڭەيتۋدى قولدايتىنى دا وسى جيىن بارىسىندا ايتىلدى.
Eurasian Agroexpress جوباسى وداقتىڭ اۋىل شارۋاشىلىعى ونىمدەرىن تەمىرجول ارقىلى ازيا جانە ەۋروپا مەملەكەتتەرىنە جىلدام جەتكىزۋدى قامتاماسىز ەتۋگە ارنالعان.
