«لوگيستيكالىق كومپانيالارعا قولايلى جاعداي جاساۋ ماقساتىندا قازاقستاندا ەلەكتروندى كولىك قۇجاتتارىنا كوشۋ جۇمىستارى جۇرگىزىلىپ جاتىر. ءبىز ەاەو اياسىندا بارلىق شەتەلدىك رۇقسات بلانكىلەرىن ەلەكتروندى فورماتقا اۋىستىرۋدى ۇسىنامىز. قاعاز اينالىمىن الىپ تاستاۋ سىبايلاس جەمقورلىق تاۋەكەلدەرىن ازايتادى, ساۋدانىڭ اشىقتىعىن ارتتىرادى جانە ەڭ باستىسى, بيزنەسكە ءوز شىعىندارىن وڭتايلاندىرۋعا مۇمكىندىك بەرەدى», دەدى ۇكىمەت باسشىسى.
پرەمەر-ءمينيستردىڭ ايتۋىنشا, بۇگىندە ەاەو ەلدەرىنىڭ ءوزارا ساۋدا سالاسىنداعى ەلەكتروندىق ءوزارا ءىس-قيمىلى وزەكتى ماسەلە بولىپ قالا بەرەدى.
«وسى جانە باسقا دا ماسەلەلەر تسيفرلاندىرۋ سالاسىنداعى بىرلەسكەن جۇمىسىمىزدىڭ ماڭىزدى باعىتتارى بولىپ سانالادى. تسيفرلىق كۇن ءتارتىبىنىڭ نەگىزگى باسىمدىقتارىن ىسكە اسىرۋ اشىق جانە تەڭ قۇقىلى ىنتىماقتاستىققا جانە ەكونوميكالىق, تەحنولوگيالىق جانە الەۋمەتتىك دامۋدىڭ جاڭا دەڭگەيىنە وتۋگە ىقپال ەتەدى», دەپ تولىقتىردى پرەمەر-مينيستر.
