Enbek.kz ءبارىن جەڭبەك

ءموبيلدى قوسىمشا سايتپەن تو­لىق­­تاي سينحروندالعان. قوسىمشا بوس جۇمىس ورىندارىن ىزدەۋگە جانە جۇ­مىسقا ورنالاسۋعا جاردەمدەسىپ قانا قويماي، جۇمىسسىز رەتىندە تىركەلىپ، جۇ­­­مى­سىنان ايىرىلۋىنا بايلانىس­تى الەۋمەتتىك تولەم الۋعا دا كومەك­تەسەدى.

ماسەلەن، ءموبيلدى قوسىمشا ارقىلى 6،2 مىڭ ادام جۇمىس ىزدەۋشى رەتىندە تىركەلگەن. ال 5،7 مىڭ ادام جۇمىسسىز رەتىندە تىركەلىپ، ونىڭ ىشىندە 200-دەن استامى جۇمىسىنان ايىرىلۋىنا بايلانىستى الەۋمەتتىك تولەم الۋعا ءوتىنىش ءبىلدىرىپتى جانە قوسىمشانىڭ كومەگىمەن الەۋمەتتىك جاردەماقى العان.

سونداي-اق قوسىمشانىڭ كومەگىمەن مەملەكەت تاراپىنان سۋبسيديالاناتىن ۋاقىتشا جۇمىس ورىندارىنا ورنا­لاسۋعا بولادى. بۇل تىزىمدە الەۋ­مەت­تىك جۇمىس ورىندارى، قوعامدىق جۇ­مىستار، سونىمەن قاتار «جاستار پراكتيكاسى»، «العاشقى جۇمىس ورنى»، «ۇرپاقتار كەلىسىمشارتى» جا­نە «كۇمىس جاس» جوبالارى بار. ياعني اتال­عان باعىتتار بويىنشا بوس جۇمىس ورىن­دارىمەن قامتاماسىز ەتىلەدى.

Enbek.kz قولدانۋشىلاردى قىزىق­تىرعان بوس جۇمىس ورىندارىنا جاۋاپ بەرىپ، جۇمىس بەرۋشىلەردەن شاقىرتۋ دا الا الادى. Push-حابارلاندىرۋ فۋنكتسياسىنىڭ كومەگىمەن تۇيىندەمەنى قاراعانى جانە وعان جاۋاپ بەرگەنى تۋرالى اقپاراتتى قاداعالاۋعا مۇمكىندىك بار. سونداي-اق ول سۇحباتقا شاقىرۋ جانە جۇمىس بەرۋشىنىڭ سۇحبات ناتي­جەسى بويىنشا شەشىمىن وتكىزىپ الماۋعا مۇمكىندىك بەرەدى.

قولدانۋشىلار قوسىمشانى PlayMarket جانە AppStore پلاتفورمالارىنان جۇكتەي الادى.