وزبەك تىلىندەگى قازاقتىڭ 100 ولەڭى

ءىس-شاراعا وزبەكستاننىڭ قازاقستانداعى توتەنشە جانە وكىلەتتى ەلشىسى ساي­ديكروم نياز­­حودجاەۆ، باس كونسۋلى ابرور فات­حۋللاەۆ، «پا­راسات»، «قۇرمەت» وردەندەرىنىڭ يە­گەرى، مەتسەنات ۇزاق­باي ايت­جان، الماتى قالاسى مادە­نيەت باسقارماسىنان ارمان قا­لى­بەكوۆ، الماتى قالاسى ادى­لەت دەپارتامەنتىنىڭ باس­شىسى اباي اراپ، ناۋرىزباي اۋداندىق ءبىلىم ءبولىمىنىڭ باسشىسى سالتانات قۇسايىنوۆا، №187 بالاباقشانىڭ مەڭگە­رۋ­شىسى فا­ريدا وماربە­كوۆا، زيالى قاۋىم مەن كىتاپ­حا­نا­شىلار قاتىستى.

تۇساۋكەسەر بارىسىندا ولەڭ­­دەرى وزبەك تىلىنە اۋدارىل­عان جانگەلدى نەمەرەباي، اراي­لىم مۇراتاليەۆا مەن ۇلان ىسقاق جىر وقىدى. كەش­­­­­كە كەلگەن قوناقتار قا­زاق جانە وزبەك ادەبيەتى وكىل­دە­رىنىڭ ءبىر-بىرىمەن قارىم-قا­­تى­ناسىنا كۋا بولىپ، ەكى باۋىر­لاس ەلدىڭ دوستىعىنىڭ تەرەڭدەي تۇسۋىنە تىلەۋلەستىگىن جەتكىزدى. وزبەكستاننىڭ ەلشىسى سايديكروم نيازحودجاەۆ ەكى ەل بايلانىسىنا بۇرىننان اقىن-جازۋشىلاردىڭ ۇلەسىنىڭ زور ەكەنىن، بۇل ءۇردىستىڭ جاس­تار اراسىندا جالعاسىن تاۋىپ جاتقانى قولدايتىنىن، اقىن-جا­زۋشىلارعا قۇرمەت – حا­لىققا قۇرمەت ەكەنىن تىلگە تيەك ەتتى.

كىتاپحانا ديرەكتورى با­قىتجامال وسپانوۆا قوناق­تارعا قۇر­مەت كورسەتىپ، كىتاپ تارتۋ ەتتى. اقىن مۇراتحان شو­قان­دى كىتاپحانانىڭ «110 جىل­دىعى» مەدالىمەن ماراپاتتادى. ءىزىن الا مۇراتحان شوقان ءسوز سويلەپ، «يۋز شەر» كىتابىن شىعارعان وزبەكستان جازۋشى­لار وداعىنىڭ تور­اعاسى، حا­لىق شايىرى سي­روجيددين سايدقا، اقىن نا­دىر جان­ۇزاققا، فاحريددين حياتقا العىس ءبىلدىردى. الاتاۋ باۋ­را­يىن­داعى كىتاپحانادا وتكەن تۇ­ساۋكەسەر حالىقتىڭ اقىن­دارعا كور­سەتكەن زور قۇرمەت-ىقى­لا­سىنىڭ كورىنىسى.