الماتىدا مەيرامحانا اسپازدارى ەسىرتكىمەن ۇستالدى

ء«بىز گاشيش ەسىرتكى زاتىن جەدەل ساتىپ العاننان كەيىن، ەليتالىق مەيرامحانالاردىڭ ءبىرىنىڭ 1973 جىلى تۋعان م. ەسىمدى اسپازشىسى جۇمىس ورنىندا ۇستالدى. سونداي-اق كۇدىكتىنىڭ تۇرعىلىقتى جەرىن ءتىنتۋ كەزىندە ەكى سىرىڭكە قوراپشاسىنا جانە دوڭگەلەك بۋماعا سالىنعان گاشيش ەسىرتكى زاتى تابىلدى. تاعى ءبىر جاعدايدا اسپاز ايەل ەسىرتكى ساتۋشى بولىپ جۇمىس ىستەگەن. 1980 جىلى تۋعان د. ەسىمدى ازاماتشانىڭ تۇرعىلىقتى جەرى – الماتى وبلىسى قاراساي اۋدانىنان ۇنتاقتى زاتى بار بۋما تابىلدى»، دەدى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

اۋەزوۆ جانە المالى اۋداندارى سوتتارىنىڭ ۇكىمدەرىمەن ەسىرتكى ساۋداسىمەن اينالىسقان م. ەسىمدى جانە د. ەسىمدى ازاماتشا قر قك-ءنىڭ 296-بابى 3-بولىگى، 297-بابى 1-بولىگىندە كوزدەلگەن قىلمىستىق قۇقىق بۇزۋشىلىقتاردى جاساعانى ءۇشىن كىنالى دەپ تانىلدى. ولاردىڭ ارقايسىسىنا جازاسىن ورتاشا قاۋىپسىزدىكتەگى قىلمىستىق-اتقارۋ جۇيەسىنىڭ مەكەمەسىندە وتەي وتىرىپ، 5 جىل مەرزىمگە باس بوستاندىعىنان ايىرۋ جازاسى تاعايىندالدى.