«جىل باسىنان بەرى ەلوردادا ينتەرنەت-الاياقتىقتىڭ 443 فاكتىسى تىركەلدى. كورسەتكىش اي سايىن ارتىپ كەلەدى. سالىستىرمالى تۇردە الىپ قاراساق 2021 جىلى 188 فاكت تىركەلگەن. بۇگىنگى تاڭدا 443 فاكت بويىنشا 45 ءىستى قاراۋ اياقتالىپ, 148 ءىس توقتاتىلدى. سونىمەن قاتار ينتەرنەت-الاياقتىقتىڭ 150 فاكتىسى اشىلىپ, ناتيجەسىندە 29 ادام ۇستالدى, ونىڭ 13-ءى قاماۋعا الىندى», دەدى قايرات ماديەۆ ءباسپاسوز ءماسليحاتىندا.
سپيكەردىڭ ايتۋىنشا, ينتەرنەت-الاياقتىقپەن بايلانىستى الەۋمەتتىك جەلىلەردەگى چاتتار مەن سايتتاردى بۇعاتتاۋ بويىنشا جۇمىستار جۇرگىزىلىپ جاتىر. الايدا, بۇعاتتاۋ ءبىراز ۋاقىتتى الادى, سەبەبى ينتەرنەت-رەسۋرستاردىڭ كوپشىلىگى شەتەلدە شوعىرلانعان.
«ينتەرنەت-الاياقتىق پەن كيبەرقىلمىسقا بىرلەسىپ كۇرەسۋ ماقساتىندا IT قوعامداستىق وكىلدەرىمەن بىرنەشە جينالىس ءوتتى. ەگەر ءبىز 54 مەملەكەت قاتىساتىن حالىقارالىق كونۆەنتسياعا قوسىلساق, بۇعاتتالاتىن سايتتار مەن چاتتار سانى ارتادى», دەپ قوستى ماديەۆ.
سونداي-اق پوليتسيا دەپارتامەنتىنىڭ وكىلى بۇگىنگى تاڭدا ينتەرنەت-الاياقتىق پەن كيبەرقىلمىستىڭ الدىن الۋ بويىنشا پروفيلاكتيكالىق ءىس-شارالار جۇرگىزىلىپ جاتقانىن اتاپ ءوتتى.
گۇلشاحرا سانسىزباي
