تۇركىستان وبلىسىندا 30 قاڭتار مەن 1 اقپان ارالىعىندا قۇقىق قورعاۋ ورگاندارى ء«جاسوسپىرىم» جەدەل-پروفيلاكتيكالىق ءىس-شاراسىن وتكىزگەن. بۇنداعى نەگىزگى ماقسات - جاسوسپىرىمدەردىڭ مەزگىلسىز ۋاقىتتا اتا-اناسىنىڭ قاداعالاۋىنسىز جۇرۋىنە تىيىم سالىپ, قۇقىق بۇزۋشىلىقتىڭ الدىن الىپ جانە قىلمىستىڭ سانىن ازايتۋ.
رەيد بارىسىندا تۇنگى مەزگىلدە كافەلەر مەن كوشەلەردى ارالاعان وبلىس پوليتسەيلەرى 365 ءجاسوسپىرىمدى انىقتاپ, ولاردى پوليتسياعا جەتكىزدى. ياعني, جۇرگىزىلگەن ءىس-شارالار ناتيجەسىندە كامەلەتكە تولماعاندار سالاسىنا قاتىستى 385 اكىمشىلىك قۇقىق بۇزۋشىلىق انىقتالدى. ونىڭ ىشىندە قر اقبتك-ءنىڭ 127-بابىمەن – 16 دەرەك, قر اقبتك-ءنىڭ 132-بابى بويىنشا 13 قۇقىق بۇزۋشىلىق ورىن العان.
سونداي-اق قر اقبتك-ءنىڭ 133-بابى بويىنشا ءتورت قۇقىق بۇزۋشىلىق, قر اقبتك-ءنىڭ 200-بابى بويىنشا سەگىز جايت, 442-بابىنىڭ 2-بولىگى بويىنشا تۇنگى ۋاقىتتا زاڭدى وكىلىنسىز تۇرعىن ۇيدەن تىس جەرلەردە جۇرگەن 292 ءجاسوسپىرىم انىقتالدى.
ءىىو-دى پروفيلاكتيكالىق ەسەبىنە – 76, ونىڭ ىشىندە قۇقىق بۇزۋشىلىققا بەيىم 46 كامەلەتكە تولماعان جانە 30 قولايسىز وتباسى ەسەپكە الىندى.
گۇلشاحرا سانسىزباي
