اتالعان قۇجات كولىك سالاسىنىڭ بارلىق باعىتىن قامتىپ, ونىڭ ىشىندە تەمىرجول, اۆتوموبيل, سۋ, اۋە كولىگى, سونداي-اق لوگيستيكا سالاسىنىڭ دامىتۋ ماسەلەلەرىن كوزدەيدى.
وسى ارقىلى يندۋستريا جانە ينفراقۇرىلىمدىق دامۋ مينيسترلىگى تۇجىرىمدامادا قاراستىرىلعان مىندەتتەردى ۋاقتىلى ىسكە اسىرۋ جونىندە شارالاردى قابىلدايدى. بۇل قولعا الىنعان امال وسى باعىتتا قولجەتىمدى, قاۋىپسىز جانە ينكليۋزيۆتى ۇتقىرلىقتى قامتاماسىز ەتىپ, سونىمەن قاتار ەلىمىزدىڭ باسەكەگە قابىلەتتىلىگىن نىعايتۋمەن بىرگە ترانزيتتىك حابقا اينالۋعا سەپتىگىن تيگىزەدى دەپ كۇتىلەدى.
