رادياتسياعا ءتوزىمدى كابىل

ۋنيۆەرسيتەت عالىمدارى كابىلدىك-وتكىزگىش ونىمدەردىڭ جاڭا تۇرلەرىن جاساۋ تەح­نو­لو­گياسىن ويلاپ تاپتى. راديا­تسيالىق موديفي­كاتسيا­لانعان وقشاۋلاعىش قاباتى بار مۇناي-سۋاستى جانە فوتوۆول­تاي­كالىق كابىل پايدالى قازبا­لاردى جانە بالامالى ەنەر­گيا كوز­دەرىن وندىرۋگە ارنال­عان. عا­لىمدار شەتەل­دىك ارىپتەس­تەرىمەن بىر­لەسە ينەرتتى ورتادا جوسپار­لانعان وڭدەۋ تەحنولوگياسىنا وزگەرىستەر ەنگىزىپ، كابىلدىك ءونىمنىڭ قولدانۋ قاسيەتتەرىن جاقسارتتى. وندىرىس­تەگى مۇن­داي ءادىس ءبىزدىڭ ەلدە قول­دانىل­مايدى. ونىڭ باستى ارتىق­شىلىعى – جوعارى تەم­پە­راتۋراعا ءتوزىمدى.

– كابىلدىك-وتكىزگىش ونىم­دەردى جاسايتىن جەرگىلىكتى وندىرۋ­شىلەر تەك وقشاۋلا­عىش قابات­تى پەروكسيدتى بىرىك­تىرۋ ءادى­سىن قولدانادى. ءبىز «قاز­ەلەك­تروماش» جشس-مەن بىر­لە­سىپ، قازاقستاندا ءبىرىن­­شى بو­لىپ رادياتسيالىق-موديفيكاتسيالانعان وقشاۋلاۋ قاباتى بار كابىلدىك ءونىمنىڭ مۇناي-سۋاستى جانە فوتوۆول­تايكالىق ءتۇرىن شىعارامىز. بۇل وقشاۋلاعىش پوليمەردەگى گەل-فراكتسيانىڭ قۇرامىن ارتتىرادى جانە كابىل-وتكىز­گىش ونىمدەرىنىڭ فيزيكالىق-مە­حانيكالىق سيپاتتامالارىن – ىستىققا توزىمدىلىكتى (تەرىس جانە وڭ تەمپەراتۋرالارعا)، اگ­رەس­­سيۆتى ورتاعا توزىمدىلىكتى ء(سىل­تىلى، قىشقىلدىق ورتا) جانە رادياتسياعا توزىمدىلىكتى جاق­سارتۋعا مۇمكىندىك بەرەدى، – دەيدى يادرولىق تەحنولوگيالار پاركىنىڭ ينجەنەر-فيزيگى، جوبا جەتەكشىسى ازات نۇرقاسىموۆ.

ۋنيۆەرسيتەت عالىمدارى عىلىمي جوبانى كوممەرتسيا­لاندىرۋدى جوسپارلاپ وتىر. ءوندىرىستى 2023 جىلدىڭ ءبىرىن­شى جار­تى­جىلدىعىندا ىسكە قوسۋ كوز­دەلگەن. باستاپ­قى كە­زەڭدە ون­دىرىستىك قۋات­تى­لىق شا­ما­مەن 5 مىڭ شاقى­رىم كابىل­دىك-وتكىزگىش ءونىمدى قۇرايدى. بۇل رەتتە ولاردىڭ 2 مىڭ شا­قىرى­مىنا وففتەيك-كەلىسىمشارت جاسالادى. بۇل وسى ونىمگە دەگەن سۇرا­نىستى كورسەتەدى. قازىر فوتوۆول­تايكالىق جانە مۇناي-سۋاس­تى كابىل­دەرىن وندىرۋ­مەن، مودي­فيكا­تسيالاۋمەن جانە وتان­دىق نا­رىققا BetaIzol دەگەن اتاۋمەن شىعارۋمەن اينالىساتىن ستارتاپ-كومپانيا قۇرىلدى.

عالىمدار ازىرلەگەن راديا­تسيا­­­­لىق-موديفيكاتسيا­لان­عان وق­­­شاۋلاۋ قاباتى بار كابى­ل ونىم­­دەرىن ءوندىرۋدىڭ جاڭا تەح­نو­لو­گياسى 2023-2025 جىل­دار­عا ارنالعان گرانتتىق قارجى­لان­دىرۋعا يە بولدى. بۇگىندە ۋني­ۆەرسيتەت عالىمدارى ءوزىن-ءوزى رەتتەيتىن جىلىتۋ كابىلىن شىعارۋدىڭ جاڭا تەحنولوگياسىن ازىرلەۋدى قولعا الدى. بۇل سۋ­مەن جابدىقتاۋ جۇيەلەرى مەن كارىز قۇبىرلارىن مۇزداتۋ ماسە­لەسىن شەشۋگە، سونداي-اق عيما­رات­تاردىڭ شاتىرلارىنا ەشبىر زيان كەلتىرمەي، قاردان تازارتۋعا مۇمكىندىك بەرەدى.