الەمدەگى گەوساياسي جاعدايدىڭ تۇراقتالماۋى وڭىردەگى ءىرى كاسىپورىنداردىڭ ءوندىرىس كولەمىنە دە كەرى اسەرىن تيگىزىپ جاتىر. ماسەلەن، ليساكوۆ، رۋدنىي قالالارىندا تەمىر، بوكسيت ءوندىرۋ، تەمىر كەنى كونتسەنتراتتارى مەن تۇيىرشىكتەر ءوندىرىسى 80،6 پايىزعا دەيىن كەمىگەن.
بۇل تۋرالى وبلىس اكىمى قۇمار اقساقالوۆتىڭ توراعالىعىمەن وتكەن ءوڭىردىڭ 2022 جىلعى الەۋمەتتىك-ەكونوميكالىق دامۋىن قورىتىندىلاۋعا ارنالعان كەڭەستە ايتىلدى. ايماق باسشىسى جيىن بارىسىندا ءوندىرىس سالاسى ورىستەمەي وتىرعان اۋدانداردىڭ باسشىلارىن سىنعا الدى. ماسەلەن، دەنيسوۆ اۋدانىندا قيىرشىق تاس، ەت، نان، مەڭدىقارا اۋدانىندا ماي جانە ءسۇت، سۇزبە جانە نان ءوندىرىسىنىڭ كورسەتكىشى جوسپارلانعان مەجەدەن اناعۇرلىم تومەن.
كەڭەستە قامىستى جانە دەنيسوۆ اۋداندارىنىڭ اكىمدەرى ەسەپ بەردى. اتالعان ەكى اۋداندا دا جوسپار جەتكىلىكتى دەڭگەيدە ورىندالماعان. اكىمدەردىڭ ەسەبىن تالقىلاۋ بارىسىندا اۋدان باسشىلارى جاڭا جوبا ءتۇزۋدىڭ ورنىنا، وسىدان ەكى-ءۇش جىل بۇرىنعى جۇمىستارىن قايتالاپ كورسەتىپ، وزدەرىن دە، وزگەنى دە الدارقاتاتىنى بەلگىلى بولدى.
وبلىس اكىمى وزدەرى باسقارىپ وتىرعان ءوڭىردىڭ دامۋ دەڭگەيىن تومەندەتىپ العان ەكى اۋداننىڭ باسشىسىن تارتىپتىك جازاعا تارتتى. ال ءتيىستى كورسەتكىشتەرگە قول جەتكىزبەگەن التىنسارين، فەدوروۆ، قوستاناي اۋداندارى مەن قوستاناي، رۋدنىي قالالارى اكىمدەرىنىڭ ەسەبى ءبىرىنشى توقساننىڭ سوڭىندا تىڭدالاتىن بولادى.
وڭىردە تراكتور، كومباين قۇراستىرۋدا، ازىق-ت ۇلىك وندىرىسىندە قۇلدىراۋ بايقالادى. سارى ماي ءوندىرىسى 2021 جىلعى دەڭگەيدەن ىلگەرىلەمەگەن. ينۆەستيتسيا تارتۋ جاعى دا كوڭىل كونشىتپەيدى. قوستاناي، رۋدنىي جانە ب.مايلين اۋداندارىنداعى ءوندىرىس وشاقتارىنا قۇيىلعان قوماقتى قارجىنى قوسپاعاندا، قالعان وڭىرلەر ينۆەستيتسيانى بيۋدجەت ەسەبىنەن تولىقتىرىپ وتىر. اكىمنىڭ ايتۋىنشا، بۇل جەردە وڭىرلەردى ءارتاراپتاندىرۋ جايلى ءسوز قوزعاۋدىڭ ءوزى ارتىق.
– جاقىندا ارقالىقتا نەفرويد وڭدەيتىن زاۋىت سالۋعا نيەتتى ينۆەستورلاردى قابىلدادىم. ولار ەكى جىل بويى كابينەت جاعالاپ، قۇزىرلى مينيسترلىكتەن رۇقسات الا الماي ءجۇر. مۇندايدى ۋىستان شىعارۋعا بولا ما؟ ماسەلە تولىق شەشىلمەيىنشە، مينيسترلىكتى مازالاي بەرۋ كەرەك. تورعاي بوكسيت كەنىشى جابىلعان سوڭ، ارقالىقتاعى كوپ ادام جۇمىسسىز قالدى. مىناۋ ەل ءۇشىن پايداسى مول جوبا ەمەس پە! ەكىنشى مىسال، ليساكوۆ قالاسىنداعى كرەمني كاربيدىن وندىرەتىن زاۋىت سالۋ تۋرالى اڭگىمە 2019 جىلى شىققان. بىراق ول سول ايتىلعان كۇيى قالدى. ءالى كۇنگە قوزعالىس جوق. حالىقتى بۇلاي الداماۋ كەرەك. ال سىزدەر باسقا جوبا بولماعاندىقتان، باياعى ءبىر جوبانى شيىرلاي بەرەسىزدەر. ينۆەستيتسيا تارتۋ – اۋدان، قالا اكىمدەرىنىڭ نەگىزگى جۇمىسى. ال ول جۇمىس جەتكىلىكسىز ەكەندىگىن كورىپ وتىرمىن، – دەدى قۇمار اقساقالوۆ.
قوستاناي وبلىسى
اقتوبە وبلىسىندا پويىز بەن جەڭىل كولىك سوقتىعىستى
ايماقتار • بۇگىن، 19:20
ەلوردادا كوكتەمگى سانيتارلىق تازالاۋ جۇمىستارى ءجۇرىپ جاتىر
ەلوردا • بۇگىن، 18:32
قاراعاندىدا سۋ تاسقىنى قاۋپى بار ۋچاسكەلەر اۋەدەن باقىلاندى
ايماقتار • بۇگىن، 17:19
قازاقستاندىق اسكەري قىزمەتشى سۋپەر گران-پري جەڭىپ الدى
سپورت • بۇگىن، 16:54
بۇگىن ەلوردادا قازاقستان - دانيا ماتچى وتەدى
فۋتبول • بۇگىن، 16:27
تۇركىستاندا 11 جاستاعى قىز جوعالىپ كەتتى
ايماقتار • بۇگىن، 15:31
ۇقساس جاڭالىقتار
