مۇقىم قازاق ءۇشىن قاسيەتتى قارقارالىدا دەنساۋلىق ساقتاۋ، مادەنيەت، سپورت سالاسىنىڭ قىزمەتكەرلەرىنە قۇرمەت كورسەتىلىپ، بىرنەشە كولىك كىلتى تاپسىرىلدى. اتاپ ايتقاندا، قارقارالى اۋدانىنىڭ مەديتسينا قىزمەتكەرلەرىنە ەكى جاڭا جەدەل جاردەم كولىگى سىيعا تارتىلدى، سونداي-اق مادەنيەت جانە تىلدەردى دامىتۋ، سپورت بولىمىنە ەكى شاعىن اۆتوبۋس ساتىپ الىندى.
– اۋداندى دامىتۋعا بايلانىستى جوسپارلارىمىز كوپ. سونىڭ ىشىندە دەنساۋلىق ساقتاۋعا دا قاتىستى. مەملەكەتتىك باعدارلاما بويىنشا اۋىلدىق ەلدى مەكەندەردە 20 مەديتسينالىق ۇيىم سالۋدى كوزدەپ وتىرمىز. سونداي-اق مادەنيەت جانە سپورت قىزمەتكەرلەرىنىڭ پروبلەمالارى مەن قاجەتتىلىكتەرى ۇمىت قالمايدى. بىرتىندەپ شەشىمىن تابادى، – دەيدى قارقارالى اۋدانى اكىمى ەرلان قۇسايىن.
جەدەل جاردەم كولىكتەرىنىڭ ءبىرى اۋداندىق ورتالىق اۋرۋحاناعا، ەكىنشىسى ەگىندىبۇلاق اۋىلىنا بۇيىردى.
– جاڭا جەدەل جاردەم كولىكتەرى زاماناۋي تالاپتارعا ساي. اۋرۋحانا كولىكتەرى توزعان ەدى. بۇل كولىكتەردىڭ قىزمەت ەتكەنىنە جيىرما جىل بولعان، – دەيدى قارقارالى اۋدانى ورتالىق اۋداندىق اۋرۋحانا ديرەكتورى داۋرەن سەيتپانوۆ.
كەلەسى جەدەل جاردەم كولىگى ەگىندىبۇلاقتاعى بۇقاراعا قىزمەت ەتەدى. ەگىندىبۇلاقتا جەدەل جاردەم بولىمشەسى، ون توسەكتى كۇندىزگى ستاتسيونارلى دارىگەرلىك امبۋلاتوريا بار.
ال ەندىگى جەردە شىعارماشىلىق ۇجىمدار، سپورتشىلار بايقاۋلارعا تابانى توزىپ جاياۋ بارمايدى. ولاردى سۋ جاڭا ىڭعايلى شاعىن اۆتوبۋستار جەتكىزەدى.
قاراعاندى وبلىسى،
قاراقارالى اۋدانى
قازاقستاندىق اسكەري قىزمەتشى سۋپەر گران-پري جەڭىپ الدى
سپورت • بۇگىن، 16:54
بۇگىن ەلوردادا قازاقستان - دانيا ماتچى وتەدى
فۋتبول • بۇگىن، 16:27
تۇركىستاندا 11 جاستاعى قىز جوعالىپ كەتتى
ايماقتار • بۇگىن، 15:31
بەنزين مەن ديزەلدىڭ كوتەرمە ساۋداسىنا شەكتى باعا بەلگىلەنۋى مۇمكىن
قازاقستان • بۇگىن، 15:14
جانسايا ابدىمالىك ءبيبىسارا اساۋباەۆانىڭ سىنىنا جاۋاپ بەردى
سپورت • بۇگىن، 14:07
باتۋميدە ناۋرىز مەرەكەسى تويلاندى
الەم • بۇگىن، 13:47
ۇقساس جاڭالىقتار
