بۇگىن اتىراۋ قالاسىنىڭ اۋماعىندا ءتۇتىننىڭ ءيىسى شىعۋىنا بايلانىستى ءورت وشاقتارىن انىقتاۋ ماقساتىندا اۋە بارلاۋىن جۇرگىزۋ ءۇشىن تجم اۆياتسياسى - مي-874 تىكۇشاعى جۇمىلدىرىلدى، دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
اتىراۋ وبلىسى توتەنشە جاعدايلار دەپارتامەنتىنىڭ قىزمەتكەرلەرى مەن جەرگىلىكتى اتقارۋشى ورگانداردىڭ وكىلدەرىنەن تۇراتىن كوميسسيا مۇشەلەرى اەروۆيزۋالدى تەكسەرۋ بويىنشا جۇمىس جۇرگىزدى.
كاسپي تەڭىزىنىڭ جاعالاۋىندا اەروۆيزۋالدى تەكسەرۋ ناتيجەلەرى بويىنشا 4 وشاق انىقتالدى. 3 وشاق جىلىوي اۋدانى باعىتىندا 70 كم جەردە، الدىن الا بولجام بويىنشا جالپى اۋدانى 9 گا الاڭدا. 1 وشاق يساتاي اۋدانى باعىتىندا 200 گا استام الاڭدا بولدى.
قازىرگى ۋاقىتتا جەرگىلىكتى جەردە كىرمە جولداردىڭ بولۋىن بارلاۋ جۇرگىزىلىپ جاتىر. تۇنگى ۋاقىتقا بايلانىستى ءورتتى ءسوندىرۋ ەرتەڭ، ياعني 1 اقپانعا جوسپارلانعان.
«ەلدى مەكەندەرگە قاۋىپ ءتونىپ تۇرعان جوق. اتىراۋ وبلىسى تجد جانۋ وشاقتارىن ءسوندىرۋ ماسەلەلەرىن قاراستىرىپ جاتىر. بۇل جەردىڭ باتپاقتى بولۋىنا بايلانىستى ءورت ءسوندىرۋ تەحنيكاسىنىڭ جانۋ وشاقتارىنا بارا المايتىنىن ەسكەرگەن ءجون. قازىرگى ۋاقىتتا قوزعالىس مارشرۋتى انىقتالىپ جاتىر»، دەلىنگەن حابارلامادا.
اتىراۋ وبلىسى تجد كۇشتەرى مەن قۇرالدارى قامىس ءورتىن سوندىرۋگە دەرەۋ جىبەرىلەتىن بولادى.
قازاقستاننىڭ بىرنەشە ايماعىندا جەر سىلكىندى
توتەنشە جاعداي • بۇگىن، 00:57
كەرولاين سەۆيدج: قازاق مادەنيەتىنە قىزىعامىن
سۇحبات • كەشە
ايماقتار • كەشە
مەرەكە • كەشە
جەردىڭ توڭى جىبىگەندە، ەلدىڭ ءوڭىن جىلىتتىق...
ءۇمىت • كەشە
بەس بالانى باۋىرىنا باسقان انا
وتباسى • كەشە
ۇقساس جاڭالىقتار
