«تۇرعىن ءۇي قۇرىلىسى سالاسىندا كوپتەگەن ماسەلەلەر جيناقتالدى. ينجەنەرلىك ينفراقۇرىلىمنىڭ جەتىسپەۋىنە بايلانىستى اكىمدىك تۇرعىن ءۇي قۇرىلىسىنىڭ قارقىنىن بىرتىندەپ تومەندەتۋدى ۇسىنادى. سونىمەن قاتار ەلوردادا تۋ دەڭگەيى جوعارى, كوشى-قون اعىنى ارتتى. قۇرىلىس قارقىنى تومەندەگەن كەزدە 30 مىڭعا جۋىق ادام جۇمىسسىز قالۋى مۇمكىن. مۇنداي پروبلەمالار تۋىنداعان جوق. بىراق قالانىڭ دامۋىن جۇيەلى جوسپارلاۋ قاجەت. بۇل ماسەلەدە, وكىنىشكە قاراي, ەلەۋلى ولقىلىقتار سەزىلەدى», دەدى پرەزيدەنت.
بۇدان سوڭ, ول ەلوردانى قاجەتتى ينجەنەرلىك ينفراقۇرىلىممەن قامتاماسىز ەتۋ تۋرالى ايتتى.
«بارلىق سالىنىپ جاتقان نىسانداردا زاماناۋي ەنەرگيا ۇنەمدەۋ تەحنولوگيالارىن قولدانۋ قاجەت. ءتورت مىڭعا جۋىق ۇلەسكەردىڭ پروبلەماسى كۇن تارتىبىنەن تۇسپەي تۇر. زاڭنامالىق بازانىڭ السىزدىگىنە بايلانىستى قالادا جاڭا پروبلەمالىق نىساندار پايدا بولۋى مۇمكىن», دەدى مەملەكەت باسشىسى.
وسى رەتتە ول قازىر استانادا رۇقسات قۇجاتتارىنسىز 90-نان استام تۇرعىن ءۇي كەشەنى سالىنىپ جاتقانىن ايتىپ ءوتتى. قۇرىلىس كومپانيالارى از عانا ايىپپۇل تولەيدى. ولار ازاماتتاردىڭ قاراجاتىن تارتۋدى جالعاستىرىپ جاتىر.
«ۇكىمەت مەملەكەتتىك رەتتەۋ شارالارىن قاتاڭداتۋى كەرەك. قۇرىلىس سالۋشىلاردىڭ زاڭنامانى اينالىپ ءوتۋ ءۇشىن ۇلەسكەرلەردىڭ قاراجاتىن تارتۋىنا جول بەرمەۋ كەرەك. بۇل جۇمىسقا قارجى مونيتورينگى اگەنتتىگى قوسىلۋى ءتيىس», دەدى ق.توقاەۆ.
