تالاپتاردى ساقتاماعان كاسىپكەرلەر اكىمشىلىك جاۋاپكەرشىلىكتەن بوساتىلادى

ۇلتتىق ەكونوميكا ءمينيسترى كاسىپكەرلىك قىزمەت سالاسىندا جاڭا رەتتەۋ ساياساتىن ەنگىزۋدىڭ ىسكە اسىرىلۋى تۋرالى باياندادى. ءمينيستردىڭ ايتۋىنشا، بۇگىنگى تاڭدا رەتتەۋدىڭ بارلىق 44 سالاسى قارالدى. وندا 2 823 نورماتيۆتىك قۇقىقتىق اكت تالدانىپ، 128 119 تالاپ انىقتالدى. ولاردىڭ ىشىندە تالاپتاردىڭ 10 108-ءى نەمەسە 8%-ى جاڭا رەتتەۋ ساياساتتىڭ بازالىق شارتتارىنا ساي̆كەس كەلمەي̆دى.

وتكەن جىلدان باستاپ رەتتەۋشى مەملەكەتتىك ورگاندار زاڭعا تاۋەلدى اكتىلەر اياسىندا تالاپتاردىڭ كۇشىن جويۋ جانە قاي̆تا قاراۋ بوي̆ىنشا بەلسەندى جۇمىس جۇرگىزىپ جاتىر. بۇل جۇمىستى بيىلعى 1-2 توقسانىندا اياقتاۋ جوسپارلانىپ وتىر. زاڭدار بوي̆ىنشا وزگەرىستەردى تالاپ ەتەتىن شامامەن 66 زاڭ اكتىسى انىقتالدى.

«جۇمىستى دۇرىس ۇي̆ىمداستىرۋ ءۇشىن وتكەن جىلى ۇي̆رەنشىكتى ءارى تەكسەرىلگەن ءتاسىل ۇسىنىلدى. اتالعان ءتاسىل بوي̆ىنشا رەتتەۋدىڭ ءاربىر سالاسىنداعى جۇمىس توپتارى تۇزەتۋلەر ازىرلەپ، ۇلتتىق ەكونوميكا مينيسترلىگىنە جيناقتاۋعا جولداي̆دى. قازىرگى ۋاقىتتا مينيسترلىك بىرىڭعاي̆ پۋلدى قالىپتاستىرۋ ماقساتىندا 15 سالا بوي̆ىنشا تۇزەتۋلەر جيناقتاپ الدى، 17 سالا بوي̆ىنشا تۇزەتۋلەر ءالى كۇتىلۋدە»،  دەدى ءا. قۋانتىروۆ. 

تۇزەتۋلەردىڭ بىرىڭعاي̆ پۋلى ازىرلەنىپ، كەلىسىلگەننەن كەي̆ىن پارلامەنتكە ەنگىزۋ ساتىسىندا تۇرعان بيزنەستى جۇرگىزۋ ماسەلەلەرى جونىندەگى زاڭ جوباسىنا ەنگىزىلەدى.

«وسىعان باي̆لانىستى مەملەكەتتىك ورگاندارعا جۇمىس توبىنىڭ مۇشەلەرىمەن كودەكستەرگە/زاڭدارعا ءوز تۇزەتۋلەرىن جەدەل پىسىقتاۋدى تاپسىرۋدى جانە ولاردى جيناقتاۋ ءۇشىن 1 اقپانعا دەي̆ىن ۇلتتىق ەكونوميكا مينيسترلىگىنە ۇسىنۋدى، سونداي̆-اق قۇزىرەتى بوي̆ىنشا زاڭعا تاۋەلدى اكتىلەرگە تۇزەتۋلەر ەنگىزۋدى قامتاماسىز ەتۋدى سۇراي̆مىن»، دەدى الىبەك قۋانتىروۆ.

ءمينيستردىڭ ايتۋىنشا، كاسىپكەرلىك سالاسىنداعى مىندەتتى تالاپتار ءتىزىلىمى تسيفرلىق ۇكىمەتتى قولداۋ ورتالىعىنىڭ بازاسىندا قۇرىلعان جانە Smart Data Ukimet پلاتفورماسىندا ىسكە قوسىلعان. ءتىزىلىم – بۇل رەتتەۋشى اكتىلەردى تۇراقتى نەگىزدە قاي̆تا قاراۋدى قامتاماسىز ەتەتىن، كاسىپكەرلىك ورتاعا تەرىس اسەر ەتەتىن تالاپتارعا قاتىستى «رەتتەۋشى گيلوتينا» ءادىسىن قولدانۋعا مۇمكىندىك بەرەتىن مىندەتتى تەتىك.

ءتىزىلىم رەتتەۋشى اكتىلەرگە ولاردىڭ جاڭا رەتتەۋشى ساياساتىنا ساي̆كەستىگى تۇرعىسىنان تالداۋ جۇرگىزۋ مەرزىمدەرىن اي̆قىنداۋدى كوزدەي̆دى. تىزىلىمنەن شىعارىلعان جانە مەرزىمىندە جوي̆ىلماعان تالاپتاردى بۇزعانى ءۇشىن كاسىپكەرلەردى اكىمشىلىك جاۋاپكەرشىلىكتەن بوساتۋ – ءتىزىلىمنىڭ ەرەكشەلىگى.

2022 جىلى مەملەكەتتىك ورگاندار داي̆ىنداعان رەتتەۋشى اكتىلەر تىزبەسى تىزىلىمگە ەنگىزىلدى. قازىر مەملەكەتتىك ورگاندار ولاردى قاي̆تا تەكسەرۋ جۇمىستارىن جۇرگىزىپ جاتىر.

بۇدان باسقا، ءتىزىلىمنىڭ تەحنيكالىق فۋنكتسيونالىن جاقسارتۋ جونىندەگى جۇمىس تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن، مەملەكەتتىك ورگاندار جانە ۇلتتىق كاسىپكەرلىك پالاتاسىمەن بىرلەسىپ جالعاستىرىلاتىن بولادى.

تاۋەكەلدەردى باسقارۋ جۇي̆ەسىن اۆتوماتتاندىرۋ بوي̆ىنشا 2022 جىلى مەملەكەتتىك باقىلاۋدىڭ 35 سالاسى اۆتوماتتاندىرىلدى جانە 16 اقپاراتتىق جۇي̆ە Smart Data Ukimet-كە ينتەگراتسيالاندى.

قازىرگى ۋاقىتتا مەملەكەتتىك ورگانداردىڭ قولدا بار اقپاراتتىق جۇي̆ەلەرىندە تاۋەكەلدەردى باسقارۋ جۇي̆ەسى دەرەكتەرىنىڭ 29 كورسەتكىشىن جيناۋ بوي̆ىنشا تەحنيكالىق جۇمىس جۇرگىزىلىپ جاتىر.

«2023 جىلى باقىلاۋدىڭ قالعان 35 سالاسىن اۆتوماتتاندىرۋ جوسپارلانعان. وسىعان باي̆لانىستى Smart Data Ukimet بازاسىندا اۆتوماتتاندىرىلعان جۇي̆ەنىڭ تولىققاندى جۇمىس ىستەۋى ماقساتىندا مەملەكەتتىك ورگانداردان جەتەكشىلىك ەتەتىن اقپاراتتىق جۇي̆ەلەردەن بازانى ءوز كورسەتكىشتەرىمەن تولتىرۋ تالاپ ەتىلەدى»، دەدى الىبەك قۋانتىروۆ.

ءارى قاراي «اتامەكەن» ۇكپ تورالقاسىنىڭ توراعاسى رايىمبەك باتالوۆ تاقىرىپ بويىنشا بايانداما جاسادى. 

ونىڭ ايتۋىنشا، بۇگىنگى تاڭدا ۇكىمەت پەن بيزنەس بىرلەسىپ، بيزنەسكە قويىلاتىن تالاپتاردى قايتا قاراۋ جۇمىستارىن اياقتادى.

«اتامەكەن» ۇكپ ۇەم-مەن بىرلەسە وتىرىپ، بۇل جۇمىسقا اسا بەلسەندى قاتىستى. ناتيجەسىندە نقا-نىڭ جاڭا تاسىلدەرىن ىسكە اسىرۋ ءۇشىن قاجەتتى جوبالار، بيزنەستى جۇرگىزۋ جاعدايلارىن جاقسارتۋ بويىنشا زاڭنامالىق تۇزەتۋلەردىڭ كەزەكتى پاكەتى، تالاپتاردى قايتا قاراۋ ءۇشىن ادىستەمەلىك ماتەريالدار ازىرلەندى.

ء«بىزدىڭ ساراپشىلار قايتا قاراۋعا قاتىساتىن مەملەكەتتىك قىزمەتشىلەر مەن بيزنەس ساراپشىلارىن وقىتۋ جانە ولارعا كەڭەس بەرۋ بويىنشا تۇراقتى نەگىزدە جۇمىس جۇرگىزدى. جۇمىسقا بيزنەس-قوعامداستىقتىڭ 100-دەن استام ساراپشىسى تارتىلدى»،  دەدى رايىمبەك باتالوۆ.

«اتامەكەن» ۇكپ تورالقاسى توراعاسىنىڭ ايتۋىنشا، جىل بويى جۇرتشىلىق اراسىندا جاڭا رەتتەۋشى ساياساتتىڭ نەگىزدەرىن جاريالاۋ بويىنشا كەڭ اۋقىمدى مەديا جۇمىس ۇيىمداستىرىلدى. باق پەن الەۋمەتتىك جەلىلەردە وسى تاقىرىپ بويىنشا 1 200-دەن استام حابارلاما جاريالاندى. پالاتا سايتىندا رەفورما تۋرالى بارلىق اقپارات ينفوگرافيكا تۇرىندە ورنالاستىرىلاتىن تۇراقتى جۇمىس ىستەيتىن قوسىمشا بەت بار.

«ارينە، ەڭ باسىندا «تۇرالاپ قالۋ» بولعانى قۇپيا ەمەس. مەملەكەتتىك ورگاندار جۇمىستىڭ ءمانى مەن رەفورمانىڭ ماڭىزدىلىعىن ناقتى تۇسىنبەدى. سونداي-اق سالالىق بيزنەس-قاۋىمداستىقتار كوبىنەسە ءپاسسيۆتى جانە جۇمىسقا از ارالاسادى، جۇرگىزىلىپ جاتقان جۇمىستى ءاردايىم تۇسىنە بەرمەيدى»، دەدى ر. باتالوۆ. 

ونىڭ ايتۋىنشا، وتكەن جىلعى شىلدەدەن باستاپ مەملەكەتتىك ورگانداردىڭ جۇمىس قارقىنى ءبىرشاما جاقساردى. تالقىلاۋ كەزىندە بيزنەستىڭ ۇسىنىستارى قولداۋ تاپتى. 

«دەنساۋلىق ساقتاۋ، ەنەرگەتيكا جانە ەكولوگيا جانە تابيعي رەسۋرستار مينيسترلىكتەرىنىڭ بيزنەسكە قويىلاتىن تالاپتارىن قايتا قاراۋ بويىنشا ۇيلەسىمدى ءارى ءتيىمدى جۇمىس جۇرگىزىلدى»، دەدى ول.

قازىر مەملەكەتتىك ورگاندار جۇمىسىنىڭ كەلەسى كەزەڭى باستالدى. بۇل سالالىق زاڭنامالىق جانە نورماتيۆتىك قۇقىقتىق اكتىلەرگە وزگەرىستەر مەن تولىقتىرۋلار ەنگىزۋ. رايىمبەك باتالوۆتىڭ ايتۋىنشا، «اتامەكەن» ۇكپ باعىتتالعان جوبالاردى قىسقا مەرزىمدە قاراۋعا دايىن.