سەمەيدىڭ وڭالتۋ ورتالىعى

مۇندا كەشەندى مەديتسينالىق-الەۋ­مەت­تىك، پسيحولوگيالىق-الەۋمەتتىك جانە الەۋمەتتىك-پەداگوگيكالىق جاعى­نان وڭال­تۋ جۇزەگە اسادى. سونداي-اق اباي وبلى­سى­نىڭ الىس اۋدان، اۋىل­دا­­رى­نان كەلگەندەرگە 1 ايدان 6 ايعا دەيىن ۋا­قىت­شا تۇرۋعا مۇمكىندىك قاراستىرىلعان. بار­لىق بولمەلەر مەن كا­بينەتتەر قاجەتتى مەدي­تسي­نالىق جي­ھاز­دارمەن جانە وتاندىق، شە­تەل­دىك زاماناۋي وڭالتۋ جابدىقتارىمەن قامتاماسىز ەتىلگەن. ورتالىقتا 14 وقۋ ورنى بار كىتاپ­حا­ناسى بار بولسا، ونىڭ ەكەۋى مۇگە­دەك­تەر ارباسىنا ارنالعان. تەر­مو­­گيد­رو­تەراپيا بولىمشەسىندە ەكى ەمدىك باسسەينى دە بار.

«مەملەكەت باسشىسىنىڭ تىكەلەي تاپ­سىرماسىمەن ىرگەسى قالانعان بىرە­گەي ورتا­لىق 200 ماماندى تۇراقتى جۇمىسپەن قامتىماق. بىلىكتى ماماندار زاماناۋي تەح­نيكالىق وڭالتۋ قۇرالدارىن قولدانۋ ار­قىلى ءار ەم الۋشىعا جەكە باعدارلاما ازىرلەيدى. بۇل نىساننىڭ وبلىسىمىز ءۇشىن دە، قالامىز ءۇشىن دە ماڭىزى زور»، دەپ اتاپ ءوتتى اباي وبلىسىنىڭ اكىمى نۇرلان ۇرانحاەۆ.

ورتالىقتىڭ اشىلۋ سالتاناتىنا ەڭبەك جانە حالىقتى الەۋمەتتىك قور­عاۋ ۆيتسە-ءمينيسترى ەربول وسپانوۆ ارنايى كەلدى.

مەملەكەت باسشىسىنىڭ 2020 جىلى بەرگەن تاپسىرماسىمەن ءبىرىنشى كەزەكتە 12 وڭالتۋ ورتالىعىن اشۋ جوسپارلانعان ەدى. سونىڭ ىشىندە ءبىرىنشى بولىپ سەمەي قالاسىندا اشىلىپ وتىرعانىنا قۋا­نىش­تىمىن. اباي وبلىسى بويىنشا 24 مىڭنان اسا مۇگەدەكتىگى بار ازامات تىركەلگەن. بۇل – وسىنشاما وتباسى، دەمەك ارنايى قىزمەتكە مۇقتاج بالالاردى تاربيەلەپ وتىرعان اتا-انالار. ەندى جىلىنا 4 مىڭنان اسا ادام ورتالىق قىزمەتىن پايدالانا الادى، – دەدى ۆيتسە-مينيستر.

وڭالتۋ ورتالىعىندا پسيحونەۆ­رو­لو­گيا­لىق پاتولوگياسى بار، تىرەك-قي­مىل اپپاراتى بۇزىلعان مۇگەدەك با­لالار جانە ءبىرىنشى جانە ەكىنشى توپ مۇ­گە­دەكتىگى بار ادامدار ەم-دوم الىپ، وڭال­تۋدان وتە الادى.

ەرزات جانات ۇلى،

جۋرناليست