ايماقتار • 30 قاڭتار، 2023

ماڭعىستاۋدا كولىكتە ۇيىقتاپ قالعان ازامات قايتىس بولدى

38 رەت كورسەتىلدى

ماڭعىستاۋ وبلىسىندا ەكى ەر ادام كولىكتە ۇيىقتاپ قالعان. ونىڭ بىرەۋى قايتىس بولىپ، ەكىنشىسى وبلىستىق اۋرۋحاناعا جەتكىزىلگەن، دەپ حابارلايدى، Egemen.kz.

ايماقتىق پوليتسيانىڭ مالىمەتىنشە، وقيعا 28 قاڭتاردا بولعان. ساعات 14:10 شاماسىندا ماڭعىستاۋ وبلىسى بەكى اۋىلىندا ەر ادامنىڭ كولىكتە وتىرىپ گازعا ۋلانىپ قالعانى تۋرالى حابار تۇسكەن.

«بەلگىلى بولعانداي، كولىكتە 38 جانە 40 جاستاعى ازاماتتار بولعان. ولار كولىكتە ۇيىقتاپ قالعان. ولار گازعا ۋلانىپ قالعان. بۇل دەرەك ماڭعىستاۋ اۋداندىق پوليتسيا باسقارماسىندا تىركەلدى. قازىرگى ۋاقىتتا پوليتسيا وقيعانىڭ بارلىق ءمان-جايىن زەرتتەپ جاتىر»، دەپ حابارلادى پوليتسيا.

ماڭعىستاۋ وبلىستىق كوپسالالى اۋرۋحاناسىنىڭ دارىگەرلەرى 1984 جىلى تۋعان ەر ادامنىڭ جاعدايى تۋرالى ايتىپ بەردى.

«ناۋقاس ەسىن جيعان جوق، رەانيماتسيا بولىمىندە. جاعدايى وتە اۋىر، وكپەنى جاساندى جەلدەتۋ اپپاراتىنا قوسىلعان»، دەدى وبلىستىق اۋرۋحانانىڭ ءباسپاسوز قىزمەتى.

 

ايتولعان ءجۇنىسحان،

ل.ن. گۋميلەۆ اتىنداعى ەۇۋ ستۋدەنتى

ۇقساس جاڭالىقتار