كەزەكتى بەلەس

ارينە، بۇل تاباناستى تۋا سال­عان شەشىم ەمەس. وتكەن جىلعى قىر­كۇيەكتەگى جولداۋىندا پرەزيدەنت الدا تۇرعان سايلاۋ ناۋقاندارى تۋرالى ايتقان بولاتىن. سوعان ساي­كەس وتكەن جىلدىڭ قاراشا ايىن­دا كەزەكتەن تىس پرەزيدەنت ساي­لاۋى ءوتتى. مىنە، كۇنى كەشە سەنات دەپۋتاتتارىنىڭ ءبىر بولىگى ساي­لاندى. ەندى، الدا ءماجىلىس پەن ءماس­ليحات سايلاۋى كۇتىپ تۇر.

پرەزيدەنتتىڭ پارلامەنت پالا­­تالارى توراعالارىمەن جانە پرە­مەر-مينيسترمەن پارلا­مەنت ءما­جىلىسىن تاراتۋ جانە ءماسلي­حات­تاردىڭ وكىلەتتىگىن مەرزىمىنەن بۇ­رىن توقتاتۋ جونىندەگى كەڭەستە ءما­جىلىس جاڭا ۇلگى بويىن-
شا جاساقتالاتىنى ايتىلدى.

بۇل سايلاۋدىڭ ءبىر ەرەكشەلىگى ءما­جىلىس دەپۋتاتتارىنىڭ 70 پايى­زى پارتيالىق ءتىزىم ارقىلى، ال قال­عان 30 پايىزى ءبىر مانداتتى وكرۋگ­تەردەن سايلانادى.

وكىلدى بيلىككە ەڭ الدىمەن ەلدىڭ بۇگىنى مەن ەرتەڭىن جانە وتانى­­مىزدىڭ مۇددەسىن ويلايتىن تىڭ كوزقاراستاعى ازاماتتاردىڭ كەلۋىنە مۇمكىندىك تۋىپ وتىر. ولاي بولسا، حالىقتىڭ ساياسي وزگەرىس­تەرگە دەگەن نيەتىنە قولداۋ كورسە­تىپ، ازاماتتىق قوعامنىڭ ودان ءارى دامۋىنا مەيلىنشە جاعداي جاساۋ­دى تىلگە تيەك ەتىپ جۇرگەن مەم­لەكەت باسشىسىنا حالىقتىڭ قازىرگى ىقىلاسى ءتىپتى بولەك.

رەسپۋبليكامىزدىڭ ءاربىر سانا­لى ازاماتى، سونىڭ ىشىندە دەپۋ­تات­تىققا ۇمىتكەرلەر قازاق­ستان­نىڭ قارقىندى دامۋىن، قوعامدا وڭدى وزگەرىستەردىڭ كورىنىس تا­بۋىن ويلاۋعا ءتيىس. راسىندا دا، ال­داعى سايلاۋ ناۋقانى ەلى­مىزدە بولىپ جاتقان جان-جاقتى جاڭا­رۋ ۇدەرىستەرىمەن قاتار ساياسي تۇرعى­داعى مادەنيەتىمىزدى ايشىق­تاپ الاتىن كەزەكتى بەلەس ەكەنىن جەتە سەزىنۋىمىز كەرەك. مۇنىڭ ءبارى، اينا­لىپ كەلگەندە، ءبىر عانا ماڭىز­دى مىن­دەتكە كەلىپ تىرەلەدى. ول – ادى­لەتتى قازاقستان قۇرۋ!

ءبىر ەل، ءبىر حالىقتىڭ جارقىن بولاشاققا بەت بۇرعان قورىتىندى كەزەڭى ءبىزدىڭ ساياسي بەلسەندىلىگىمىزگە بايلانىستى.

ەرلان سىدىقوۆ،

ل.ن.گۋميلەۆ اتىنداعى
ەۋرازيا ۇلتتىق ۋنيۆەرسيتەتىنىڭ رەكتورى