اسكەري توپوگراف

30 قاڭتاردا قازاقستان قا­رۋلى كۇشتەرىندە اسكەري توپو­گراف­تار كۇنى اتاپ وتىلەدى. اس­كەري توپوگراف – بۇل ەرەكشە ما­مان­دىق. ولار زاماناۋي جوعارى تەح­نولوگيالىق جابدىقتاردى، ەلەكتروندى 3D-كارتانى جانە جەر­­دىڭ بەلگىلەرىن پايدالانۋ ارقىلى بوگدە جەرلەردە باعىتىن جاق­سى ءبىلىپ، گەودەزيالىق جۇيەلەر­دى قۇرۋمەن قاتار باسقا دا كۇردە­لى ينجەنەرلىك تاپسىرمالاردى ورىندايدى.

قىزمەتتەرى بىلايعى جۇرت­تىڭ كوزىنە كوپ كورىنە بەرمەيتىن ولار وزدەرىنە جۇكتەلگەن مىن­دەت­تەردى ابىرويمەن اتقارىپ كە­لەدى. بۇگىندە سالا ماماندارى قا­تارىندا ەڭبەگىمەن ەلەنگەن وفي­تسەرلەر از ەمەس. سولاردىڭ ءبىرى – اۋە قورعانىسى كۇشتەرىنىڭ تو­پو­گرافيالىق قىزمەت باستىعى، پو­دپولكوۆنيك رۋسلان باقىت ۇلى بەكباەۆ.

رۋسلان ءۇشىن وتكەن جىل جە­مىستى بولدى. حالىقارالىق ارميا ويىندارىنىڭ قازاقستان اۋما­عىندا تۇڭعىش رەت وتكىزىلگەن «مە­ريديان» سايىسىنا قاتىسىپ، ەل نامىسىن قورعادى. جارىستا ءبىز­دىڭ اسكەري توپوگرافتار جەڭىمپاز اتاندى. بۇل جەتىستىگى ءۇشىن مايور بەكباەۆقا قورعانىس ءمينيسترى­نىڭ بۇيرىعىمەن پودپولكوۆنيك كەزەكتى اسكەري اتاعى مەرزىمىنەن بۇرىن بەرىلدى.

– شوقان ءۋاليحانوۆ اتىندا­عى اسكەري كوللەدجدىڭ «امان­دىق» پوليگونىندا وتكەن سايىستا ء­بىز­دىڭ جىگىتتەردىڭ مەرەيى ۇستەم بول­دى، – دەيدى پودپولكوۆنيك رۋسلان بەكباەۆ. – سەگىز كوماندا قا­تىسقان جارىس «اتىس شەبى»، «ازيمۋت» جانە «توپوگرافيالىق كۆادراتلون» دەپ اتالاتىن ءۇش كە­زەڭنەن تۇردى. «اتىس شەبىندە» اسكەري توپوگرافتار اك-74 اۆتوما­تىنان وق اتۋ داعدىلارىن پراكتيكا جۇزىندە كورسەتىپ، جەڭىم­پاز جي­ناعان ۇپاي سانىنا قاراي انىقتالدى.

ال «ازيمۋت» كەزەڭىنىڭ جات­تىعۋلارىندا ورمان ىشىندە وز­دەرىنىڭ ورىندارىن، ازيمۋتتارىن تابۋ بويىنشا جانە كومپاسپەن سايىسقا ءتۇستى. كولەمى 12 شارشى شاقىرىم اۋداننىڭ ورتاشا قيى­لىسقان جەرىمەن قوزعالا وتى­رىپ، بەرىلگەن باعىتتار مەن تاك­تيكالىق تاپسىرمادا كورسەتىل­گەن باقىلاۋ نۇكتەلەرىن ءجۇرىپ وتۋدە ءبىزدىڭ اسكەري توپوگراف­تا­­رى كاسىبي شەبەرلىكتەرىن كورسەتتى. توپوگەودەزيالىق ەسەپتوپتار سا­يى­سىندا 41 مينۋت 53 سەكۋندتا جە­ڭىسكە جەتكەن ءبىزدىڭ كوماندا جەڭىمپاز اتاندى، – دەيدى رۋسلان باقىت ۇلى.

«توپوگرافيالىق كۆادرات­لون» سايىسىندا ءبىزدىڭ توپوگراف­تار باس­قا ەلدىڭ توپوگەودەزيا­لىق بولىمشەلەرىمەن بىرگە ارنايى ماقساتتاعى گەودەزيالىق جۇمىس­تاردى ورىنداي وتىرىپ، جولاق­تار­دان وتۋدەن سايىسقا ءتۇستى. ۇزىن­دىعى 1850 مەترلىك جارىس جولىندا ءتۇر­لى كەدەرگى جولاقتارىن ەڭسەرە ءبىلدى.

بۇدان وزگە ءبىزدىڭ توپو­گەو­دە­زيالىق ەسەپتوپتاردىڭ «فازل» جيناۋ سايىسىندا دا بولشەكتەل­گەن توپوگرافيالىق كارتالار­دان ءارتۇرلى نىسانداردىڭ كووردينات­تارىن ۋاقىتىندا انىقتاي ال­عانىن دا ەرەكشە اتاپ ءوتۋ كەرەك.

رۋسلان شىمكەنتتەگى سابىر راحيموۆ اتىنداعى اسكەري مەكتەپ-ينتەرناتتىڭ تۇلەگى. 2003 جىلى سانكت-پەتەربۋرگ قالاسىنداعى ا.ف.موجايسكي اتىنداعى اس­كە­ري-عارىش اكادەمياسىنا وقۋعا ءتۇسىپ، 2009 جىلى «اەروفوتوگەو­دەزيا» ماماندىعىن الىپ شىققان.

العاشقى قىزمەتى قاراعان­دى وبلىسىنىڭ اباي قالاسىن­دا­عى اسكەري بولىمدە باستالعان ول اعا وفي­تسەر، ءبولىم باستىعى لاۋازىم­دارىندا بولدى. 2017 جىلى ماسكەۋدەگى م.ف.فرۋنزە اتىنداعى اسكەري اكادەمياعا وقۋ­عا ءتۇستى. 2019 جىلى اكا­دە­ميا­­لىق ءبىلىمى بار جاس مامان اۋە قور­عانىسى كۇشتەرىنە توپو­گرا­فيا­لىق قىز­مەت باستىعى لاۋازىمىنا تاعا­يىندالدى.

ساقينا الماسقان ومىرلىك سەرى­گى انار ەكەۋى شايحيسلام، شاح­اسلان، ليايسان، راسۋل اتتى كىشكەن­تايلاردى تاربيەلەپ وتىر.

ەر – ەلىنىڭ قورعانى. ول ءۇشىن جىگىتكە تالماس قاناتتاي تالاپ، قايتپاس قاجىر مەن قايرات كەرەك. رۋسلاندى وتباسىندا كىشكەنتاي كۇنىنەن وسىعان تاربيەلەدى. اتا-اناسى ناعىز ازامات بولىپ قا­لىپتاسۋ ءۇشىن قايسار مىنەزدى بولۋ كەرەك­تىگىن ۇنەمى ايتىپ وتىراتىن. سوعان ساي ول دا بالا كەزىنەن وفيتسەر بولۋدى ارمانداپ ءوستى. ال ارماننىڭ ورىندالعانى قان­داي جاقسى!