ەكوتۋريزمگە – ايرىقشا كوزقاراس

جەتىسۋ جايلى اڭگىمە باستاي قالساق، اۋەلى تۇمسا تابيعاتىن، كوز تارتار كورىكتى جەرلەرىن تىلگە تيەك ەتەمىز. ەندەشە، ەلدەگى ەكولوگيالىق ءتۋريزمدى تۇراقتى دامىتۋ ءۇشىن جەر ءجانناتىنىڭ سۇلۋ جەرلەرىن كوركەيتۋىمىز شارت. بۇل رەتتە وڭىردە ءورىستى جۇمىستار جۇرگىزىلىپ كەلەدى. ونىڭ ۇستىنە جەتىسۋدىڭ تابيعي-كليماتتىق جاع­دايى ءتۋريزمنىڭ سان ءتۇرىن وركەندەتۋگە قولايلى. ماسەلەن، رەكرەاتسيالىق، مادە­ني-تاريحي، ەمدەۋ-ساۋىقتىرۋ، سپورت­تىق، ەكو جانە اگروتۋريزمدى وركەن­دەتۋگە ەش كەدەرگى جوق. وسى ورايدا وب­لىستىق تۋريزم باسقارماسى قاجەتتى ينفرا­قۇ­رى­لىمدارمەن قامتاماسىز ەتۋ جۇ­مىس­تارىن الداعى جىلى دا جالعاستىرماق نيەتتە.

جەتىسۋ وبلىسى اكىمىنىڭ ءباسپاسوز قىز­مەتىنىڭ مالىمەتىنە سۇيەنسەك، الاكول جانە راي كولدەرى جاعالاۋلارىندا، تام­شىبۇلاقتا، «جوڭعار الا­تاۋى» مۇتپ اۋماقتارىندا جانە باس­قا دا تانىمال تۋريستىك ورىنداردا شا­عىن ساۋلەتتىك فورمالار، ورىندىقتار، باعىتتاعىش بەلگىلەر قويۋ، اباتتاندىرۋ باعىتىنداعى باسقا دا جۇمىستار اتقارىلادى. ودان وزگە «سيۆەرس الما­سىنىڭ گۇلدەۋى»، «الاكول قاناتى»، «Koksu Water Fest» سياقتى تانىمال فەس­تيۆالدەر تۇرىندە وقيعالى ءتۋريزمدى دا­مىتۋعا دەن قويىلماق.

بۇگىندە «التىنەمەل» ۇلتتىق پاركى اۋماعىندا ەكولوگيالىق ءتۋريزمدى دامىتۋ باعىتىنداعى ينۆەستيتسيالىق جوبا ىسكە اسىرىلا باستادى. قازىرگى كەزدە وندا شولۋ الاڭى، سامالجاي، كەمپينگتەر، اقپاراتتىق قالقاندار، ناۆيگاتسيالىق باعىتتاعىش بەلگىلەر، قۇرعاق اجەتحانا ورناتىلعان. ۆيزيت-ورتالىق سالىنا باس­تادى، ول 2023 جىلدىڭ اقپان ايىندا اياقتالۋعا ءتيىس. جۇمىس اياقتالعاندا سالىنعان ينۆەستيتسيا كولەمى 2 ملرد تەڭگە بولادى دەپ كۇتىلۋدە. جوبانىڭ ينۆەستورى مەن ىسكە اسىرۋشىسى – «QazaqGeography» رقب مەن «Assemtal» جشس زاڭدى تۇلعالار كونسورتسيۋمى.

سول سياقتى سارىبۇلاق اۋىلىنان «التىنەمەلگە» دەيىنگى قيىرشىق-تاس جولعا اعىمداعى جوندەۋ جۇمىستارى جاسالدى. بۇل رەتتە 2022 جىلدان شەڭ­گەلدى-قاپشاعاي اۆتوجولىنا ورتاشا جون­دەۋ جۇرگىزىلىپ جاتىر. بۇگىندە اۆتوجولدىڭ 5 شاقىرىمى جوندەلدى. وسى جىلدىڭ ناۋ­رىز ايىنان جوندەۋ جۇمىستارى قايتا جاندانادى. «جوڭعار الاتاۋى» ۇلتتىق پاركىنە كولىكپەن بارۋعا قولايلى جاعداي جاساۋ ءۇشىن ۇزىندىعى 20 شاقىرىم بولاتىن «توپولەۆكا-جالاڭاش» اۆتوكولىك جولىنا جوندەۋ جۇرگىزىلۋدە. قۇرىلىس جۇمىستارىنىڭ جالپى قۇنى – 281 ملن تەڭگە. اياقتالۋ مەرزىمى – 2023 جىلدىڭ قازان ايى.

جوعارىدا اتاپ وتكەندەي، مەملەكەت باسشىسىنىڭ تاپسىرماسى نەگىزىندە وڭىردە بۇرحانبۇلاق سارقىراماسىنا دەيىنگى جولعا جوندەۋ جۇرگىزۋ جوس­پارلانىپ وتىر. قازىرگى كەزدە جوبا­لىق-سمەتالىق قۇجاتتاماسىن جاساۋ­عا بيۋد­­­جەتتىك تاپسىرىس دايىندالۋدا. سو­نىمەن بىرگە ەسكەلدى اۋدانى مەن تە­كەلى قالاسى اۋماقتارىنداعى «Tekesu Outdoor سenter» تاۋ شاڭعىسى كۋ­رور­تى­­نىڭ ىرگەسىن كەڭەيتۋ جوباسىن ىسكە اسى­رۋعا جاعداي جاساۋ ءۇشىن تاۋ شاڭعىسى كۋرور­تىنا الداعى ۋاقىتتا شاڭ­عى-بيات­لون كەشەنىن سالۋعا قاجەتتى ينفرا­قۇ­رى­لىمنىڭ قۇرىلىسى جونىندە جول كار­تاسى ازىرلەندى.

وبلىستىق تۋريزم باسقارماسىنىڭ مالىمەتىنشە، جەتىسۋ وبلىسىنىڭ تۋريس­تىك الەۋەتىن ىلگەرىلەتۋ ءۇشىن قازاق­ستان­­دىق جانە حالىقارالىق تۋريستىك كور­­­مەلەرگە، روۋد-شوۋلارعا قاتىسۋ، وتان­دىق جانە شەتەلدىك تۋريستىك كومپانيالار وكىلدەرىنە ارنالعان ۆ2ۆ فور­­­ماتىندا ۆوركشوپ ۇيىمداستىرۋ، وب­لىستاعى تۋريزم سالاسى وكىلدەرى ءۇشىن وقىتۋ كۋرستارىن، ماستەر-كلاستار، سەمي­­نارلار وتكىزۋ، اقسۋ، سارقان، الا­كول، ەسكەلدى اۋداندارىنداعى، تەكەلى قالاسىنداعى تۋريستىك لوكاتسيالاردا، «التىنەمەل» جانە «جوڭعار الاتاۋى» مۇتپ اۋماقتارىندا اقپاراتتىق تۋرلار ۇيىمداستىرۋ، سول سياقتى بالالار مەن جاسوسپىرىمدەر ءتۋريزمىن قولداۋ، تۋريستىك سالانى تسيفرلاندىرۋ، برەندتەلگەن جار­نامالىق ونىمدەر دايىنداۋ مەن شىعارۋ جۇمىستارى جوسپارلانعان.

جەتىسۋ وبلىسى