ايتالىق, ارحەولوگيا زالىندا تۇرعان قۇمىرا (سۋرەتتە) ءVىى-ءحىى عاسىر مۇراسى ەكەنى انىقتالدى. شولتوبە وڭىرىنەن تابىلعان قىش قۇمىرانىڭ بيىكتىگى 31 سم. ال سالماعى 28 كيلو. كوشپەلى حالقىمىزدىڭ قولدان قۇيىپ جاساعان وسىناۋ قولونەرى تۇرمىستا ىدىس رەتىندە پايدالانعانى انىق. جازدا سۋ قۇيىپ, قىستا توڭازىتقىش رەتىندە قولدانىلعان ۇلكەن قۇمىرا مۋزەيگە كەلۋشىلەردى ەرەكشە قىزىقتىرادى.
سونداي-اق كەزىندە اپا-اجەلەرىمىز ورنەكتەپ كەستە تىككەنىن ءبارىمىز بىلەمىز. ال بايزاق اۋداندىق تاريحي-ولكەتانۋ مۋزەيىندەگى مىنا ءبىر كەستە (سۋرەتتە) وتە ەرەكشە. كەستە مال تەرىسىن وڭدەپ, بەتىنە ءتۇرلى ءتۇستى جىپتەرمەن ارلەپ تىگىلگەن. كەستەنىڭ 200 جىلدىق تاريحى بار. مامانداردىڭ ايتۋىنا قاراعاندا, كەستە يلەنگەن سىر تەرىسىنە تىگىلگەن. ونىڭ بەتىندە گۇلدەر مەن جاپىراق سۋرەتى بەينەلەنگەن. ەرەكشە تۋىندىنى بايزاق اۋداندىق تاريحي-ولكەتانۋ مۋزەيى اشىلعان 2010 جىلدارى كورشى جامبىل اۋدانىنىڭ تۇرعىندارى سىيعا تارتقان. كەستەنىڭ ۇزىندىعى – 30 سم, ەنى 30 سانتيمەتردى قۇرايدى.
ايدانا شوتباسوۆا,
جامبىل وبلىسى بايزاق اۋداندىق تاريحي-ولكەتانۋ مۋزەيىنىڭ قور ساقتاۋشىسى
