ەلوردا • 28 قاڭتار، 2023

استانالىق تۇرعىن حقكو-نىڭ بىرىنەن تەلەفون ۇرلادى

169 رەت كورسەتىلدى

استاناداعى حقكو-نىڭ بىرىنەن تەلەفون ۇرلاعان 39 جاستاعى ەر ادام ۇستالدى، دەپ حابارلايدى Egemen.kz Polisia.kz-كە سىلتەمە جاساپ.

سارىارقا اۋدانىنىڭ پوليتسيا باسقارماسىنا 59 جاستاعى ەر ادام حابارلاسىپ، كۇندىزگى ۋاقىتتا حالىققا قىزمەت كورسەتۋ ورتالىعىنىڭ عيماراتىندا بولعان كەزدە بەلگىسىز بىرەۋ ونىڭ تەلەفونىن ۇرلاپ كەتكەنى تۋرالى ايتقان. قىزمەتتى الۋ ءۇشىن كەزەكتە تۇرعان ەر ازامات كيىم ىلگىشتى بايقاعانى انىقتالدى. ول كۇرتەشەسىن ىلگىشكە ءىلىپ جاتقانىندا، باسقا ءىلۋلى كۇرتەشەلەردىڭ قالتاسىن اقتارعان. قالتادان Iرhone12 تەلەفونىن اڭعارعان.

ادامداردىڭ بايقاماي تۇرعانىن پايدالانىپ، كوزى تۇسكەن زاتتى الىپ، عيماراتتان كەتۋگە اسىققان. پوليتسەيلەر بەينەباقىلاۋ كامەرالارى ارقىلى ءجۇرۋ جولدارىن زەرتتەپ، بۇرىن سوتتالعان 39 جاستاعى ەر ادامدى انىقتاپ، استانا قالاسى پد ۋۇي قاماۋعا الدى.

اتالعان دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. كۇدىكتىنىڭ وسىعان ۇقساس قىلمىستارعا قاتىسى بار-جوعى انىقتالادى.


ۇقساس جاڭالىقتار