مادەنيەت جانە سپورت ءمينيسترى اسحات ورالوۆ 2022 جىلى قازاقستانعا كەلگەن شەتەلدىك تۋريستەر سانى ءۇش ەسە وسكەنىن ايتتى، دەپ حابارلايدى Egemen.kz.
«وتكەن جىلدىڭ توعىز ايىندا ەلىمىزگە 610 مىڭ شەتەلدىك تۋريست كەلگەنىن كورىپ وتىرمىز. ءبىز قازىر تۇجىرىمداما اياسىندا قازاقستانعا شەتەلدىك تۋريستەردىڭ كەلۋىن 4 ميلليونعا جەتكىزۋدى قاراستىرىپ جاتىرمىز. بۇل ەكونوميكانىڭ بارلىق سالاسىنىڭ دامۋىنا ۇلكەن سەرپىن بەرەدى، سونىمەن قاتار جاڭا جۇمىس ورىندارىن اشۋعا مۇمكىندىك بەرەدى. بۇل - باسەكەلەستىك، باسەكە بولعان كەزدە ساپا دا ارتادى»، دەدى اسحات ورالوۆ دەپارتامەنتتىڭ القا وتىرىسىندا.
كەزدەسۋ بارىسىندا 2021 جىلدىڭ سايكەس كەزەڭىنىڭ قورىتىندىسى بويىنشا توعىز ايدا قازاقستانعا 208،5 مىڭ شەتەلدىك تۋريست كەلگەنى ايتىلدى. ديناميكا قىزمەت ەكسپورتىنا وڭ اسەر ەتتى، ول 2022 جىلى 1،3 ملرد اقش دوللارىنا دەيىن ءوستى. 2021 جىلى وسى كەزەڭدەگى ەكسپورت كولەمى 395 ميلليون دوللاردى قۇرادى.
«مينيسترلىك «قازاقستاننىڭ گراند تۋرىنىڭ» نەگىزىن قۇرايتىن قازاقستاندا بەس باسىم باعىتتى ازىرلەدى. بۇل قازىردىڭ وزىندە سۇرانىسقا يە تارتىمدى مارشرۋتتار. ولاردىڭ بارلىعى كوپ تۋريستەردى قابىلداۋعا دايىن ەمەس. سوندىقتان اكىمدىكتەرمەن بىرلەسە وتىرىپ، تاڭدالعان مارشرۋتتار بويىنشا ينفراقۇرىلىمدى جاقسارتىپ، تۋريستەرگە جاعداي جاساۋدى جوسپارلاپ وتىرمىز. تۋريزم قىزمەتكەرلەرىن وقىتۋ جانە ولاردىڭ بىلىكتىلىگىن ارتتىرۋ، تۋروپەراتورلارمەن بىرگە ماقساتتى نارىقتاردا تۋرلاردى ىلگەرىلەتۋ بويىنشا دا ءتيىستى جۇمىستار جۇرگىزىلەدى»، دەپ قوستى اسحات ورالوۆ.
اقپاتەردەگى يننوۆاتسيالىق جوبا
ءونىم • كەشە
عالىم • كەشە
تۇلعا • كەشە
ءبىلىم • كەشە
قوعام • كەشە
قازاقستان • كەشە
ۇقساس جاڭالىقتار
ونلاين 
