بوكستان ەلىمىزدىڭ ەرلەر جانە ايەلدەر قۇراماسى تايلاند استاناسى بانگكوكتا 22 جاسقا دەيىنگىلەر اراسىنداعى ازيا چەمپيوناتىندا باق سىنادى.
«بوكسشىلار ءۇشىن بيىلعى باستى باسەكە – تاشكەنتتەگى الەم چەمپيوناتى جانە قىتايدا وتەتىن جازعى ازيا ويىندارى. ءدال وسى جارىستارعا قازاقستان بوكس فەدەراتسياسى مەن مادەنيەت جانە سپورت مينيسترلىگى باسىمدىق بەرىپ, قۇرامانىڭ جۇمىسىنا ءجىتى نازار اۋدارادى.
بارلىق سپورتشىمىزدى, جاتتىقتىرۋشىلار شتابىن جانە وسى بەكزات سپورتتىڭ جانكۇيەرلەرىن ۇلتتىق قۇرامانىڭ جوعارى ناتيجەسىمەن قۇتتىقتايمىن! العا, قازاقستان!», دەدى قازاقستان بوكس فەدەراتسياسىنىڭ پرەزيدەنتى كەڭەس راقىشەۆ.
ايتا كەتەيىك, قازاقستاندىق شارشى الاڭ شەبەرلەرى 5 التىن ء(ۇش ەركەك, ەكى ايەل), 3 كۇمىس (ەرلەر) جانە 12 قولا (بەس ەر جانە جەتى ايەل) جەڭىپ الدى. وسىلايشا 25 بوكسشىنىڭ 20-سى مەدالگە قول جەتكىزدى.
