سولتۇستىك قازاقستان وبلىسىندا ءتۇرلى دەڭگەيدەگى ماسليحاتتارعا 193 دەپۋتات، پارلامەنت ماجىلىسىنە ءبىر دەپۋتات سايلانادى. كانديداتتاردى ۇسىنۋ پروتسەسى ءجۇرىپ جاتىر، دەپ حابارلايدى Egemen.kz.
وبلىستىق سايلاۋ كوميسسياسىنىڭ مالىمەتىنشە، وبلىستىق ماسليحاتقا 30 دەپۋتات، ونىڭ ىشىندە 15-ءى پارتيالىق ءتىزىم بويىنشا، 15-ءى ءبىر مانداتتى وكرۋگتەردەن سايلانادى. پەتروپاۆل قالاسى ءماسليحاتىندا بارلىعى ءبىر مانداتتى وكرۋگتەر بويىنشا 18 دەپۋتات سايلاندى. 13 اۋداندىق ماسليحاتقا 145 دەپۋتات سايلانادى.
سايلاۋ كۇنى وبلىستىق ءماسليحاتتا – 15، قالالىق ءماسليحاتتا – 18، اۋداندىق ءماسليحاتتاردا – 145 وكرۋگتىك سايلاۋ كوميسسيالارى جۇمىس ىستەيدى.
وبلىستا بارلىعى 631 ۋچاسكەلىك سايلاۋ كوميسسياسى جۇمىس ىستەيدى.
قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا ەكى كانديداتتان قۇجاتتار قابىلداندى. ولاردىڭ قازاقستان رەسپۋبليكاسى كونستيتۋتسياسىنىڭ جانە «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنىڭ تالاپتارىنا سايكەستىگى انىقتالىپ جاتىر.
«قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىن سايلاۋ ناۋقانىن ۇيىمداستىرۋ جانە وتكىزۋ بويىنشا سەمينار-كەڭەستەر وتكىزىلۋ ۇستىندە. كوميسسيالاردىڭ قىزمەتىن ۇيىمداستىرۋ تەتىكتەرى، ولاردىڭ وكىلەتتىكتەرى ساراپتالىپ، سايلاۋ پروتسەسىنە قاتىسۋشىلاردى وقىتۋ، كانديداتتارمەن بايلانىس، كوميسسيالار جۇمىسىنىڭ اشىقتىعى جانە ساياسي پارتيالارمەن ءوزارا جۇمىستار جۇرگىزىلىپ جاتىر»، دەدى وبلىستىق سايلاۋ كوميسسياسى.
جىبەك قۇلامباەۆا تۇركياداعى جارىستا جەڭىمپاز اتاندى
تەننيس • كەشە
ۇقشۇ ەلدەرى كەشەندى وقۋ-جاتتىعۋ وتكىزەدى
وقيعا • كەشە
ريم پاپاسى اۋرۋحانادان شىعارىلدى
الەم • كەشە
ۇقساس جاڭالىقتار
