وتەماقىعا ءوتىنىش بەر

قازاقستاننىڭ دەپوزيتتەرگە كەپىلدىك بەرۋ قورى 5 ميلليوننان استام دەپو­زيتوردىڭ سالىمدارى وتەم­اقى تولەنۋگە جاتاتىنىن ما­لىمدەدى. ستاتيستيكا بويىن­شا دەپوزيتتەرىندە 1 ملن تەڭ­گەدەن استام اقشاسى بار ازا­ماتتاردىڭ 94 پايىزى وتەماقى الۋعا ءوتىنىش بەرگەن.

– قارجى مينيسترلىگى مەن ۇلتتىق بانك ازىرلەگەن باعدارلامانىڭ قاعيدالارىنا سايكەس كەلەتىن دەپوزيتتەردىڭ بارلىعى، ولارداعى اقشا قال­دىعىنىڭ مولشەرىنە قارا­ماستان، سىيلىقاقى ەسەپتە­لەتىندىگىن ەسكە سالامىز. بانك­تەرگە بارىپ، وتەماقى الۋعا كەلىسىمىن ءالى راستاماعان دەپوزيتورلار 2023 جىلدىڭ 10 اقپانىنا دەيىن كەلىسىمىن راستاي الادى. ءوتىنىشتى بانك بولىمشەلەرىندە نەمەسە ءموبيلدى قوسىمشا ارقىلى ونلاين تۇردە بەرۋگە بولادى. بانكتەر وتەماقىنى 2023 جىلدىڭ 23 اقپانىنان كەيىن تولەي باستايدى. 10 پايىزدىق وتەماقى ەسەپتەلۋى مۇمكىن ماكسيمالدى سوما ءبىر بانك­تە 20 ملن تەڭگەنى قۇرايدى، – دەيدى قازاقستاننىڭ دەپوزيتتەرگە كەپىلدىك بەرۋ قورى توراعاسىنىڭ ورىنباسارى الماس قۇدايبەرگەنوۆ.

سىيلىقاقى الۋدىڭ باستى شارتى – سالىم 2023 جىلدىڭ 23 اقپانىنا دەيىن ساقتالۋعا ءتيىس. وتەماقى دەپوزيتتە جىل بارىسىندا ساقتالعان ەڭ از سوماعا ەسەپتەلەتىن بولادى.

ەسكە سالايىق، ۇكىمەتتىڭ 2022 جىلعى 30 جەلتوقسانداعى قاۋلىسىنا سايكەس وتەماقى تولەۋگە ءوتىنىش بەرۋ مەرزىمى ۇزارتىلدى. ەندى سالىمشىلار بانكتەرگە وسى جىلدىڭ 10 اقپانىنا دەيىن جۇگىنە الادى.