«كەز-كەلگەن ساياسي مۇددەگە قاراعاندا مەملەكەتشىلدىك قاسيەت الدەقايدا بيىك تۇرۋعا ءتيىس. قوعامعا, ەڭ الدىمەن, ءاربىر سوزىنە جانە ىسىنە جاۋاپكەرشىلىكپەن قارايتىن ساياساتكەرلەر قاجەت. سوندا ازاماتتاردىڭ ەلدىك ساياساتقا دەگەن سەنىمى ارتادى. ال, سەنىم – بۇل اسا ماڭىزدى قۇندىلىق», دەپ اتاپ ءوتتى پرەزيدەنت.
قاسىم-جومارت توقاەۆتىڭ ايتۋىنشا, ءبىزدىڭ ەلىمىزگە زاڭ ۇستەمدىگى جانە ازاماتتىق ءتارتىپ اسا قاجەت.
«باۋىرجان مومىش ۇلى «تارتىپكە باعىنعان قۇل بولمايدى» دەپ ايتقان. زاڭدى سىيلايتىن ەلدىڭ قاشاندا ۇپايى تۇگەل. شىن مانىندە, تاتۋلىق پەن تۇراقتىلىق ەڭ اسىل قۇندىلىق ەكەنىنە ءبارىمىز كوز جەتكىزدىك. تىنىشتىق بولماسا, باسقا تابىستىڭ ءبارى ءبىر ساتتە قۇردىمعا كەتەتىنىن كوردىك. ءبىز ەل بىرلىگىنىڭ ارقاسىندا بارلىق قيىندىقتى جەڭىپ كەلەمىز. سوندىقتان باردى باعالاپ, ىرىستى ىنتىماعىمىزدى قورعاۋ – بارىمىزگە ورتاق قاسيەتتى بورىش», دەدى مەملەكەت باسشىسى.
بۇل رەتتە پرەزيدەنت قازاقستان ساياساتكەرلەرىنىڭ باستى ماقساتىن اتادى.
«ماقساتىمىز – قازاقستاندى تۇعىرى بەرىك, ەكونوميكاسى قۋاتتى, رۋحى اسقاق, بىرلىگى بەكەم مەملەكەت رەتىندە ۇرپاققا تابىستاۋ. وسى تاريحي مىندەتتى ءبارىمىز بىرگە ابىرويمەن اتقارىپ شىعامىز دەپ سەنەمىن», دەپ تۇيىندەدى پرەزيدەنت.
