«وزدەرىڭىزگە ءمالىم, ەلىمىز دامۋدىڭ جاڭا كەزەڭىنە قادام باستى. بىلتىر كونستيتۋتسيالىق رەفورمانى قولعا الدىق. اتا زاڭعا اسا ماڭىزدى وزگەرىستەر ەنگىزدىك. قاراشا ايىندا پرەزيدەنت سايلاۋى ءوتتى. جۋىردا سەنات دەپۋتاتتارىنىڭ ءبىر بولىگى سايلاندى. سونىمەن قاتار مەنىڭ جارلىعىممەن بىرنەشە سەناتور تاعايىندالدى. وسىمەن سەناتتىڭ قۇرامىن جاڭعىرتۋ ۇدەرىسى اياقتالدى. دەپۋتاتتاردىڭ جارتىسىنا جۋىعى جاڭاردى», دەدى پرەزيدەنت.
وسى ورايدا ول مۇندا ءار ايماقتىڭ, سونىڭ ىشىندە جاڭادان قۇرىلعان وبلىستاردىڭ وكىلدەرى بارىن ايتتى. قازاقستان حالقى اسسامبلەياسىنىڭ مۇشەلەرىنە ارنايى كۆوتا بەرىلگەن. وسىلايشا, سەناتتا ءتۇرلى ساناتتاعى قوعام وكىلدەرى بارىنشا قامتىلعان.
«جالپى بۇل پالاتا مەملەكەتتىك باسقارۋ سالاسىندا ايرىقشا ءرول اتقارادى. وعان كونستيتۋتسياعا سايكەس ماڭىزدى مىندەتتەر جۇكتەلگەن. زاڭ شىعارۋ قىزمەتىن ساپالى اتقارۋ ءۇشىن بارلىق جاعداي جاسالعان. پالاتا ءوز جۇمىسىن ابىرويمەن اتقارىپ كەلە جاتىر. سەناتورلار اۋقىمدى رەفورمالاردى جۇزەگە اسىرۋعا بەلسەنە اتسالىستى. وسى ورايدا, بارشاڭىزعا شىنايى ريزاشىلىعىمدى بىلدىرەمىن. جاڭا دەپۋتاتتار سەناتتىڭ قىزمەتىنە تىڭ سەرپىن بەرەدى دەپ سەنەمىن», دەدى مەملەكەت باسشىسى.
