ۇلتتىق پوشتا وپەراتورىنىڭ نازارعا قويعان باستى مىندەتى – جەتكىزۋ قىزمەتىنىڭ ساپاسىن ارتتىرۋ. مەرزىمدى ءباسپاسوز وكىلدەرىنەن دە ءدال وسى ماسەلە جونىنەن سۇراق كوپ ەكەنىن بىلەمىز. بۇل ءبىز ءۇشىن دە وتكىر پروبلەما. ويتكەنى جەتكىزۋ قىزمەتىن كوبىنەسە پوشتاشىلار ىسكە اسىرادى. بۇگىندە رەسپۋبليكا بويىنشا ولاردىڭ سانى نەبارى 3 مىڭعا جۋىق. وتكەن جىلى بۇل ماسەلەنى كۇن تارتىبىنە قويعانىمىزدىڭ ناتيجەسىندە بيىل ولاردىڭ ەڭبەكاقىسى 25 پايىزعا ارتتى. بۇل دا ساپالى قىزمەت كورسەتۋگە ءوز اسەرىن تيگىزەتىنى بەلگىلى.
سونداي-اق بىزگە جەرگىلىكتى جەردەن مامانداردى تابۋ قيىنعا تۇسەدى. وسى ولقىلىقتىڭ ورنىن تولتىرۋ ءۇشىن جۇمىسىمىزدىڭ كەيبىر تۇستارىن اۆتوماتتاندىرۋدى ويلاستىرىپ جاتىرمىز. وسىلايشا قانداي مەكەمەلەرگە قاي ۋاقىتتا جەتكىزىلگەنىن ءبىلىپ وتىرامىز.
بيىلعا جۇكتەلگەن تاعى ءبىر مىندەت – جازىلىمدى ينتەرنەت ارقىلى جۇرگىزۋ. وتكەن جىلى وسى باعىتتاعى جۇمىستاردى باستادىق, بيىل تولىعىمەن جۇيەلەپ, اياقتاۋدى كوزدەپ وتىرمىز. بۇل دا ءبىزدىڭ قىزمەتىمىزدى جەڭىلدەتۋگە سەپ بولار ەدى. ياعني بۇرىنعىداي تۇرعىندار پوشتاشىنى كۇتىپ وتىرمايدى. ۇيلەرىن دە وتىرىپ-اق, قىزمەتتەردى ءوز بەتىنشە جۇزەگە اسىرادى.
ساۋلە ابىلباەۆا,
«قازپوشتا» اق باسقارماسىنىڭ پوشتا قىزمەتى جونىندەگى ديرەكتورى
