ۇلگىلى ءبىلىم ۇياسى

«اۋىلدىق ايماقتارداعى تىرەك مەكتەپتەرىنىڭ الەۋەتىن ارتتىرۋ» قا­يى­رىمدىلىق جوباسى اياسىندا №5 مەكتەپتىڭ 24 وقۋ كابينەتى تولىعىمەن جاڭاشا جابدىقتالىپتى.

ەڭ باستى ماقساتى اۋىل مەن قالا مەك­تەپتەرىندەگى ءبىلىم ساپاسىنىڭ ايىر­ماشىلىعىن جويۋ بولعان جاڭا جو­بانى «قازاقستان حالقىنا» قورى, ءبىلىم سالاسىن تۇراقتى دامىتۋ قورى مەن نازارباەۆ زياتكەرلىك مەكتەپ­تە­رى بىرلەسىپ قولعا العان ەكەن. سول بويىنشا تاڭدالىپ الىنعان تىرەك مەكتەبىنىڭ وقۋ كابينەتتەرى تو­لى­عى­مەن جاڭاشا جابدىقتالعان. ايتا كەتەرلىگى, بۇل جەردە مەكتەپتەر تەك ما­تەريالدىق-تەحنيكالىق جاعىنان عانا جاڭارمايدى, مۇنداعى بۇكىل وقۋ ۇدەرىسى دە ەڭ الدىڭعى قاتارلى تاسىلگە كوشپەك.

وسى جوبا بويىنشا ەلىمىزدە 17 اۋىل مەكتەبىن جاڭاشا جابدىقتاۋ جوس­پارلانعان. بۇل ماقساتقا 4 ملرد 250 ملن تەڭگە – ءار مەكتەپكە شامامەن 250 ملن تەڭگە بولىنگەن. قازىردىڭ وزىندە اقمولا وبلىسىندا قاتاركول اۋىلىنىڭ دوسوۆ اتىنداعى ورتا مەكتەبى, پاۆلودار وبلىسى ەرتىس اۋدانىنداعى №1 ەرتىس ورتا مەكتەبى, قوستاناي وبلىسى سارى­كول اۋدانىنداعى ۋريتسكي ورتا مەك­تەبى, قاراعاندى وبلىسى اقتوعاي اۋدا­نىن­داعى ك.بايسەيىتوۆا اتىنداعى ورتا مەكتەبى, اباي وبلىسى اياگوز قالاسىنداعى قالالىق كوپبەيىندى قازاق مەكتەپ-گيمنازياسى, ۇلىتاۋ وبلىسى ۇلىتاۋ اۋدانىنداعى №1 ۇلىتاۋ جالپى ءبىلىم بەرەتىن ورتا مەكتەبى, شىعىس قازاقستان وبلىسى مارقاكول اۋدانىنداعى №1 ورتا مەكتەبى, جەتىسۋ وبلىسى جانسۇگىروۆ اۋىلىنداعى ە.سيقىموۆ اتىنداعى ورتا مەكتەبى, اقتوبە وبلىسىنداعى بەستاماق ورتا مەكتەبى سەكىلدى 10 اۋىلدىق تىرەك مەكتەپ جاراقتاندىرىلىپ, ۇستازدارعا ارنالعان وقىتۋ كۋرستارى مەن تاعى­لىم­داما تۇرىندە ادىسنامالىق قولداۋ كورسەتىلگەن.

اقسايداعى №5 مەكتەپتىڭ قايتادان اشىلۋى ەرەكشە سالتاناتپەن ءوتتى. جيىنعا «نازارباەۆ زياتكەرلىك مەك­تەپتەرى» اۆتونومدى ءبىلىم بەرۋ ۇيى­مىنىڭ باسقارۋشى ديرەكتورى ايگۇل قازجانوۆا, «Beeline قازاقستان» ايماقتىق دامىتۋ ديرەكتورى رۋستام باسپانوۆ, ءبىلىم بەرۋدى تۇراقتى دامىتۋ قورىنىڭ ديرەكتورى دانيار توقتارباەۆ, «قازاقستان حالقىنا» قورى توراعاسىنىڭ ورىنباسارى ءلاززات شىڭعىسباەۆا, ورال قالاسىنداعى فيزيكا-ماتەماتيكا باعىتىنداعى نازار­باەۆ زياتكەرلىك مەكتەبىنىڭ ديرەكتورى ايداربەك ايتپۋكەشەۆ, پەداگوگيكالىق شەبەرلىك ورتالىعىنىڭ ديرەكتورى لاريسا وبىدەنكينا, نزم ۇستازدارى قاتىستى.

«اۋىلدىق ايماقتارداعى تىرەك مەكتەپتەرىنىڭ الەۋەتىن ارتتىرۋ» قا­يى­رىمدىلىق جوباسى اياسىندا №5 مەكتەپتىڭ 24 وقۋ كابينەتى تولىعىمەن جاڭاشا جابدىقتالىپتى. بۇعان 249 825 000 تەڭگە قاراجات جۇمسالعان. قورعا قاراجات بولگەن «Beeline قازاقستان» كومپانياسى – جوبا دونورلارىنىڭ ءبىرى. مەكتەپ 17 ينتەراكتيۆتى تاقتامەن قامتىلىپ, ودان بولەك زاماناۋي قۇ­رال-جابدىقپەن جابدىقتالعان ستەم-زەرتحانا, ارت-ستۋديا, ينتەللەكتۋم كابينەتى, زاماناۋي كىتاپحانا, سپورت­­زال قۇرالدارى, كوركەم ەڭبەك كا­بي­نەتتەرى, تىگىن شەبەرحاناسى, پسي­­­حولوگ جانە لوگوپەد كابينەتتەرى اشىل­عان. سونىمەن قاتار مەكتەپ عي­ما­راتىنا ۇنەمدەلگەن قاراجات جانە جان باسىنا قارجىلاندىرۋ ەسەبىنەن 25 ملن تەڭگەگە جوندەۋ جۇمىسى جۇر­گىزىلگەن.

بۇعان قوسا باعدارلاما اياسىندا وسى مەكتەپكە ۇزدىك پەداگوگيكالىق تاجىريبە مەن ادىستەمە ەنگىزىلگەن. مەكتەپ كىتاپحاناسى مۇعالىمدەر, وقۋ­شى­لار مەن اتا-انالار ءۇشىن قوسىمشا ءبىلىم بەرۋ رەسۋرستىق الاڭى­نا اينالىپتى.

سونىمەن بىرگە وسى جوبانىڭ سەرىكتەسى – ءبىلىم بەرۋدى تۇراقتى دامىتۋ قورى مەن «نازارباەۆ زياتكەرلىك مەكتەپتەرى» دببۇ مەكتەپتەگى ءبىلىم بەرۋ ورتاسى مەن وقىتۋ ساپاسىن تەرەڭ زەرتتەپ, وسى تالداۋ ناتيجەلەرى نەگىزىندە مەكتەپتى دامىتۋ, ءبىلىم بەرۋ ساپاسىن ارتتىرۋ بويىنشا ۇسىنىستار تىزبەسىن جاساعان. سونداي-اق مۇعالىمدەرگە قاجەتتى بىلىكتىلىكتى ارتتىرۋ كۋرستارى انىقتالعان.

كەلەشەكتە اقسايداعى تىرەك مەك­تە­بى جاقىن ماڭداعى اۋىلدىق شاعىن جيناقتى مەكتەپتەر ءۇشىن, ونداعى مۇعا­لىمدەر مەن وقۋشىلار ءۇشىن تاجىري­بەمەن جانە ءادىس-داعدىمەن بولى­سەتىن قۇزىرەتتى ورتالىققا اينالادى.

ايتا كەتەيىك, باتىس قازاقستان وبلىسى بويىنشا تاڭدالىپ الىنعان اقساي تىرەك مەكتەبىندە 817 وقۋشى ءبىلىم الادى, 70 پەداگوگ جۇمىس ىستەيدى. مەكتەپتە 41 سىنىپ وقۋشىلارى قازاق جانە ورىس تىلدەرىندە ءبىلىم الادى.

– مەكتەبىمىز شىن مانىندە «جايلى مەكتەپكە» اينالدى. ويتكەنى «اۋىل­داعى تىرەك مەكتەپتەردىڭ الەۋەتىن دامىتۋ» جوباسى بىزگە ساپالى ءبىلىم الۋعا, وقۋشىلاردى تاربيەلەۋگە, پە­دا­گوگيكالىق ۇجىمنىڭ الەۋەتىن دامىتۋعا, مەكتەپتە قاۋىپسىز جاعدايدى قامتاماسىز ەتۋگە شىنىمەن دە ەرەكشە مۇمكىندىك تۋدىرىپ وتىر. ءبىز وسى جوبانىڭ ءبىر بولىگى بولعانىمىزعا قۋانىشتىمىز, – دەيدى مەكتەپ ديرەكتورى گۇلميرا سەمبيەۆا.

اقساي مەكتەبى پاندىك وقۋ كابينەت­تە­رىمەن قاتار قوسىمشا ءبىلىم بەرۋ كابينەتتەرىمەن دە جابدىق­تالعان. مىسالى, STEM-زەرتحانالارى وقۋ­شى­­­لار­دى ماتەماتيكا, ينجەنەريا, تسيفرلىق تەحنولوگيا جانە جاراتى­لىستانۋ عى­لىم­دارىنا قىزىق­تى­رىپ, ءبىلىمىن كەڭەي­تەدى. ART-ستۋ­ديا­سى مەن روبوتتەحنيكا كابينەتى بول­عا­نىنا دا بالالار وتە ريزا. مۇندا شىعارماشىلىق تۇرعىدان دامۋعا, ەموتسيونالدىق تۇر­عىدان كۇش الۋعا, وزىندىك يدەيالارىن جۇزەگە اسىرۋعا بولادى. بۇل وقۋ ۇدەرىسىنىڭ بارلىق قاتىسۋشىسىنا وڭ سەرپىلىس اكەلدى.

قازىر اقساي مەكتەبى ءوزىنىڭ تەلەستۋدياسىن اشىپ ۇلگەرگەن. بۇل مۇ­عا­­لىمدەر ۇجىمىنا وزدەرىنىڭ جانە مەك­تەپ­تىڭ تاجىريبەسىن باتىس وڭى­رىن­دەگى باسقا مەكتەپتەرگە تا­را­تۋ­عا, تسيفرلىق تەحنولوگيالار سالا­سىن­داعى بىلىك­تىلىكتى شىڭداۋعا مۇم­كىن­دىك بەرە­دى. موبيلوگراف, بلوگەر بول­عىسى كەلە­تىن جاس ورەندەر قازىر­دىڭ وزىندە وسى جەردە شەبەرلىك سىرىن ۇيرەنىپ ءجۇر.

«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى وسى جوبا­نىڭ باس سەرىكتەسى رەتىندە تىرەك مەك­تەپتىڭ ءبىلىم مازمۇنىن كوتەرۋگە دەن قويعان. جوعارىدا ايتقانداي, مەك­تەپتەگى ءبىلىم بەرۋ ورتاسى مەن وقى­تۋ ساپاسىنا تالداۋ جۇرگىزىپ, قا­زىرگى احۋالدى انىقتادى. ءسويتىپ, زيات­كەرلىك مەكتەپ الاڭىندا اقساي مەك­تەبىنىڭ مۇعالىمدەرى بارلىق ءپان بو­يىنشا تاجىريبەدەن ءوتتى. №5 مەكتەپ ۇجىمىنىڭ تىرەك مەكتەپ رەتىندە دامۋى, ءبىلىم ساپاسىن ارتتىرۋ, وقىتۋدىڭ زاماناۋي تەحنولوگيالارىن ەنگىزۋ بويىنشا ناقتى ۇسىنىستار جاسالدى. مۇعالىمدەرگە قاجەتتى بىلىكتىلىكتى ارتتىرۋ كۋرستارى جوسپارلاندى.

– بۇل جوبانىڭ بەس مىندەتى بار. ول – اۋىل مەكتەپتەرىندەگى وقىتۋ تەحنولوگياسىن جەتىلدىرۋ, تىرەك مەكتەپتەردى ماتەريالدىق-تەحنيكالىق تۇرعىدان جاب­دىقتاۋ, تىرەك مەكتەپتەردىڭ تا­جىري­­بەسىن ءوڭىر مەكتەپتەرىنە, ونىڭ ىشىندە شاعىن جيناقتى مەكتەپ­تەر­گە دارىپتەپ ەنگىزۋ. ءتورتىنشى – مەك­تەپتى اۋىلدىڭ كوميۋنيتي-ورتا­لى­عى رەتىندە دامىتۋ. بەسىنشى – قو­عامدا جاڭا مىنەز-ق ۇلىق ۇلگىسىن قا­لىپتاستىراتىن دۇرىس قۇندىلىقتار جۇيەسى بار قامقورشى قازاقتاردىڭ قاۋىم­داستىعىن قالىپتاستىرۋ. بولا­شاق­تا وسىنداي تىرەك مەكتەپتەردى ءاربىر اۋدان ورتالىعىندا اشۋدى جوسپارلاپ وتىرمىز. قازىر ناقتى قاي ءبىلىم ورداسى تىرەك مەكتەپكە اينالاتىنى جونىندە وبلىستىق ءبىلىم باسقارماسىمەن اقىلداسىپ جاتىرمىز, – دەيدى «قازاقستان حالقىنا» قورىنىڭ وكىلى ءلاززات التىنبەكقىزى.

«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارۋشى ديرەكتورى ايگۇل ومىرقىزى تىرەك مەكتەپ مۇعالىمدەرىن عىلىمي-ادىس­تە­مەلىك جانە ساراپتامالىق تۇرعىدا سۇيەمەلدەۋدى جالعاستىرا بەرەتىنىن ايتادى. بۇل باستان-اياق تەگىن جۇر­گىزىلەتىن قايىرىمدىلىق كومەك. مى­سالى, اقسايداعى №5 مەكتەپكە ورال قالاسىنداعى نازارباەۆ زيات­­كەرلىك مەكتەبى ۇجىمى ەرەكشە كومەكتەسىپ, بارىنشا قولداۋ كور­سەت­كەن. بۇل شىن مانىندە وتە ما­ڭىز­­دى ماسەلە, ويتكەنى عيماراتتىڭ ءىشى-سىرتىن ساندەپ, جارقىراتىپ قوي­عان­مەن, ونىڭ ىشكى مازمۇنى, ءبىلىم ساپاسى سايكەس بولماسا, ەڭبەكتىڭ ەش كەتكەنى ەمەس پە؟!

باتىس قازاقستان وبلىسى