ۆ.جاقسىمباەۆا – اقتوبە قالاسىنىڭ تىگىنشىلەر جانە ديزاينەرلەر قاۋىمداستىعىنىڭ مۇشەسى, قالالىق جاس انالار اسسامبلەياسى «قۇراق كورپە» كلۋبىنىڭ ءتورايىمى, ەتتىڭ قامىرىن جاياتىن سىپىرانىڭ جاڭا ءتۇرىنىڭ اۆتورى.
ءىس-شارا سۇحبات تۇرىندە ۇيىمداستىرىلدى. قازاقتىڭ قولونەر سالاسىن ناسيحاتتاۋ, قول شەبەرلىگىن ارتتىرىپ, جاندى جايلاندىراتىن تىگىنشىلىكتى جاستارعا ۇيرەتۋ ماقساتىندا وتكىزىلگەن ءىس-شارا بارىسىندا ۆەنەرا حانىم ءوزىنىڭ جاساعان كورپە-كوپشىك, قورجىن, قول سومكە, سىپىرا, ت.ب. بۇيىمدارىن اكەلىپ تانىستىردى. سولاردىڭ اراسىنداعى قورجىندى قىزدارىن قازاققا بەرگەلى وتىرعان ورىس وتباسى تاپسىرىسپەن جاساتىپتى. ءبىزدىڭ قولونەرىمىزگە باسقا ەتنوس وكىلدەرىنىڭ دە قىزىعۋشىلىق تانىتقانىنا مارقايىپ قالدىق.
ال سىپىرا بولسا, ول بۇرىننان قازاق حالقىندا بار قولدانىس قۇرالى. ونى ۆەنەرا حانىم زامانعا ساي ەتىپ جابدىقتاپ, ناندى پىشاقپەن كەسكەندە دە كەسىلمەيتىن ماتادان, كىتاپ سەكىلدى اشىلاتىنداي ەتىپ جاساعان. ولشەمى 75ح80, بۇعان 4 زۋالا جايۋعا بولادى. مۇنى قىز جاساۋىنا دا قوسۋعا بولادى.
سونىمەن قاتار قولونەر شەبەرى كورپە-كوپشىكتەردى سالىپ اپاراتىن فەتر ماتادان جاسالعان جۇمساق ساندىقشا دا تىگەدى ەكەن. ول كورپەلەردىڭ تازا ءارى جيناقى تۇرۋى ءۇشىن ماڭىزدى. سۇحبات بارىسىندا ۆەنەرا حانىمنىڭ نەگىزگى ماماندىعى زاڭگەر جانە حورەوگراف ەكەنىن بىلدىك. ول ءىس-شارادا بي بيلەپ كوپشىلىكتىڭ ريزاشىلىعىنا بولەندى. ۆەنەرا حانىم قولى بوساي قالسا بالالارىمەن بىرگە سۋرەت تە سالادى ەكەن.
ۆەنەرا حانىمنىڭ قولونەرمەن شۇعىلدانىپ جۇرگەنىنە ءتورت-بەس جىل عانا بولعان ەكەن. وسى ۋاقىت ارالىعىندا كوپتەگەن شەبەرلىك ساباعىن وتكىزىپ, اتالعان سالا بويىنشا شاكىرتتەر تاربيەلەپ ءجۇر.
ءىس-شارا سوڭىندا ىسمەردىڭ بىزدە قوناق بولاتىنىن ەستىگەن اقتوبە وبلىستىق قازاقستان حالقى اسسامبلەياسى جانىنداعى انالار كەڭەسىنىڭ ءتورايىمى جۇمابي-
كە شامشەدينقىزى مەن «اي قاراكوز» برەندىنىڭ نەگىزىن قالاۋشىسى, ۇستاز جايناگۇل قايرالاپوۆا كەشىمىزگە كورەرمەن بولىپ قاتىسىپ, ءسوز سويلەپ ۆەنەرا ماراتقىزىنا ءوز سىيلىقتارىن تابىستادى. سونداي-اق كىتاپحانا ديرەكتورى گۇلجاينار نارەنقىزى دا ءوزىنىڭ جىلى لەبىزىن ءبىلدىرىپ ءارى ويۋ-ورنەكتىڭ تۇرلەرى جيناقتالعان ادەمى كىتاپ تابىستادى.
«ارمانسىز ادام, قاناتسىز قۇسپەن تەڭ» دەيدى عوي, ارمانىڭىز قانداي؟» دەگەن سۇراعىمىزعا ول ويلانباستان: «اتا-انامدى مەككەگە قاجىلىققا اپارىپ كەلۋ», دەپ جاۋاپ بەردى.
جيىن بارىسىندا كوپشىلىك اتا-انانىڭ رازىلىعىنا بولەنىپ, ۇلتتىق ونەردى ناسيحاتتاپ, قۇندى قازىنامىزدى ۇلىقتاپ كەلە جاتقان ۆەنەرا جاقسىمباەۆاعا ىستىق ىقىلاستارىن ءبىلدىرىپ, ىسىنە بەرەكە تىلەدى.
گۇلنۇر يحسانعاليەۆا,
ساعي جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى
اقتوبە وبلىسى
