ء«بىز ءۇشىن ەرەكشە قاجەتتىلىكتەرى بار جاندارعا قولايلى جاعداي جاساۋ وتە ماڭىزدى. بۇگىن وسى ساناتتاعى جاندارعا الەۋمەتتىك جانە وڭالتۋ قىزمەتتەرىن كورسەتەتىن ءتۇرلى قوعامدىق ۇيىمداردىڭ وكىلدەرىمەن كەزدەستىم. وندا ينۆاتاكسي, پروتەزدىك-ورتوپەديالىق كومەك, ساناتوري-كۋرورتتىق ەمدەۋ, وڭالتۋ ورتالىقتارىنىڭ جەلىسىن كەڭەيتۋ جانە ت.ب. ماسەلەلەر كوتەرىلدى», دەپ جازدى اكىم.
ونىڭ ايتۋىنشا, قازىر قالادا مۇمكىندىگى شەكتەۋلى 27 مىڭنان استام ادام وڭالتۋ كومەگىن الىپ جاتىر, ونىڭ ىشىندە 7 مىڭ بالا بار.
«ەلوردادا بىرقاتار الەۋمەتتىك تۇرعىن ءۇي سالىپ جاتىرمىز, وندا ءبىرىنشى قاباتتا الەۋمەتتىك نىساندار اشىلادى: بالالار ورتالىقتارى, مەديتسينالىق نىساندار, ونىڭ ىشىندە وڭالتۋ ورتالىقتارى. سول سياقتى بيىل ينۆاتاكسي سانىن 2 ەسەگە ارتتىرۋدى جوسپارلاپ وتىرمىز, وسىلايشا ەرەكشە قاجەتتىلىكتەرى بار جانداردى كوبىرەك قامتي الامىز. كەزدەسۋ بارىسىندا كوتەرىلگەن ماسەلەلەردى شەشۋ جۇمىسى قولعا الىندى, ال جۇيەلى ماسەلەلەر بويىنشا مينيسترلىكتەرمەن جۇمىس ىستەيتىن بولامىز. قوعامدىق ۇيىمداردىڭ وكىلدەرىمەن تۇراقتى تۇردە كەزدەسىپ, تۇرعىندارىمىز ءۇشىن قولايلى جاعداي جاساۋ جولىندا بىرلەسىپ جۇمىس ىستەيمىز», دەپ جازدى ەلوردا اكىمى.
